Молитва на избавление от хульных помыслов

Молитвы об избавлении от хульных помыслов

Боже превечный, сокровенных свидетелю, испытуяй сердца и утробы, седяй на Херувимех, и видяй бездны, разумеваяй помышения моя издалеча. Ты веси, яко ми ненавижду, не хощу, и не соизволяю нечистым, мерзким, хульным помышлениям, безстудне на мя нападающим, и молю Твою благость, запрети духу хульному, да отступить от мене, отжени мысли злыя, да не стужают ми, утиши волнение сердца моего, укроти бурю помыслов моих, посрами врага, смущающаго совесть мою, да не порадуется враг мой о мне: Тебе бо трепещут и трясутся противнии дуси, Тебе послушают всяческая, Тебе работна суть вся: Ты повели буре и волнению ума моего, да станет в тишину, да без сумнения и смущения поработаю Тебе Господу моему во вся дни живота моего. Аминь.

Господи! Зриши ми скорбь, зриши мою беду, зриши и безстудие врага моего, яко люте и тяжце нападает на мя хульными помыслы, оскорбляя душу мою, опечаляя сердце мое, помрачая ум мой, и смущая совесть мою егоже богохульнаго шептания и богомерзкаго во уме моем глаголания только ненавижду, яко первее умрете хотел бых, неже сия на Тя благого Бога моего помыслы хульныя прияти и сим соизволити, яже враг мой во уме моем вещат, но за слабость мою тым противным, и богохульным и богомерзним мыслем одолети, и от себе я отгнати не могу без Твоея, Боже мой, помощи: естество бо мое страстно, ум непостоянен, сила моя немощна, супостат же мой крепок и сила его превосходит моя силы, и аще не бы Ты Господь крепок силен был в людех Своих, то кто доволен цел сохранен быти от врага и человекоубийцы диавола. Тем припадаю Ти, о всемилостивый и премилосердый, не хотяй отчаяния моего, Создателю Боже, и молю всесильную Твою помощь, порази на главу стужающаго ми врага, блесни молнию, и раждени обышедшии мя супостаты, возсияй светлую в сердце моем благодати Твоея зарю, да отбежит от мене темный облак хульных заходящих на мя мыслей, да в свете помощи Твоея узрю Тебе Христа моего, просвещающаго всякаго человека, да в свете лица Твоего пойду, и о имени Твоим возрадуются во веки. Аминь.

Молитва против беса хульнаго

Да обратися болезнь твоя на главу твою, и на верх твой хула твоя да снидет, лукавый бесе и нечистый: аз бо Господу Богу моему кланяюся и того никогда же похулю. Како бо ми возможно сему досадити, или Его похулити, Его же по вся дни и нощи и часы славословлю, и покланяюся от всея души моея, и крепости и мысли моея. Но убо славословие мое есмь, хула же твоя есть, ты узриши, о нихже нань клевещеши, и яко отступник на Бога глаголеши.

Запрещение диаволу

Запрещает ти, вселукавый душе, диаволе, Господь пришедый в мир пречистою и святою Девою воистину Богородицею на спасение миру нас деля грешных. Проклят еси ты, и вся неприязненная твоя помышления, яже в нощи и во дни. Заклинаю тя именем единосущныя и нераздельныя Троицы, Отца и Сына и Святаго Духа, отступи от мене раба Божия (имя рек), не влагай в сердце мое помыслов неприязненных, но отъиди в места пуста и безплодная, идеже не присещает Господь. Заклинаю тя, нечистый и богохульный душе, именем Господа нашего Иисуса Христа, не блазнити, ни смущати мя хульными помыслы, всегда сотворити ми молитвы моя к Господу Богу моему, но да будут вся твоя хульная помышления на твою главу в день судный: аз бо Господу Богу моему служу, и ому единому возсылаю молитву во дни и в нощи, тебе упраждняющу, мене же милующу и укрепляющу, и оставляющу ми за многую Его благость и милость вся прегрешения. Иди за мною, сатано, и проклят буди ты, и вся неприязненная твоя и противная сила, яко благословися и прославися пречистое имя Отца, и Сына, и Святаго Духа, ныне и присно и во веки веков. Аминь.

Ко пресвятей Богородице

Пресвятая Владычица моя Богородице, святыми Твоими и всесильными мольбами отжени от мене окаяннаго раба Твоего уныние, забвение, неразумие, нерадение, и вся скверная, лукавая и хульная помышления от окаяннаго моего сердца, от помраченнаго ума моего; и погаси пламень страстей моих, яко нищ есмь и окаянен. Избави мя от многих и лютых воспоминаний и предприятий, и от всех действ злых свобод и мя. Яко благословенна еси от всех родов, и славится пречестное имя Твое во веки веков. Аминь.

К Богу

В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя, и вся души и тела моего употребления: вход и исход мой, веру и жительство мое, течение и кончину живота моего, день же и час издыхания моего, преставление мое и упокоение, и воскресение души и тела моего со всеми святыми избранными Твоими. Ты же, преблагий и человеколюбивый Боже, приими мя в руце защищения Твоего, и избави мя от всякаго зла, прости премножество грехов моих, очисти оскверненную ми душу и тело и сохрани мя в крове милости Твоея во вся дни живота моего, яко да Твоею благодатию укрепляемый избавлюся от ловящих мя сетей вражиих, и Твоею благостынею в чувство приведен, и на путь истиннаго покаяния наставлен, сподоблюся христианския кончины животу моему, безстрастныя, непостыдныя, мирныя, и немятежнаго от воздушных духов прешествия, и добраго ответа на страшном Твоем суде, и да сподоблен буду зрения неизреченныя Ти славы, и слышания преславнаго Твоего благословеннаго Ти гласа, и у Тебе Бога моего да получу жизнь и спасение. Аминь.

После сего следует читать псалом 27: «Господь просвещение мое и Спаситель мой», а также «Достойно есть» и отпуст.

Если сможешь творить поклоны, и поклонов сотвори по силе; этим способом, при помощи Божией, избавишься от хульных помыслов.

Великомученику Никите

О великий страстотерпче Христов и чудотворче, великомучениче Никито! Припадающе ко святому и чудотворному образу твоему, подвиги же и чудеса твоя и многое сострадание твое к людям прославляюще, молим тя прилежно: яви нам смиренным и грешным святое и многомощное твое заступление. Се бо, грех ради наших, не имамы свободы чад Божиих, еже о потребах наших Господа и Владыку нашего дерзновенно просити, но тебе молитвенника к Нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную во искушениих мужество, в злостраданиих терпение, в молитвах постоянство, душ и телес здравие, земли плодоносив, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на Страшнем Суде Христове. И всем людем православным яви твое святое заступление: болящия исцели, скорбящия утеши, бедствующим помози. Ей, угодниче Божий и мучениче долготерпеливый! Не забуди святую обитель твою и вся живущия в ней и подвизающияся инокини же и мирския, но поспеши им во смирении и терпении носити иго Христово, и от всяких бед и искушений милостивые избави. Всех убо нас приведи в тихое пристанище спасения, и наследники сподоби быти пресветлаго Царствия Христова святыми твоими молитвами. Да славим и поем великия щедроты Отца и Сына и Святаго Духа в Троице славимаго и поклонямаго Бога, и твое святое заступление во веки веков. Аминь.

Молитвы на избавление от хульных помыслов

Начало обычное по: Отче наш… Господи, помилуй (12). Приидите, поклонимся… (трижды).

Молитва первая
Боже Превечный! сокровенных Сведетелю! испытуяй сердца и утробы, седяй на Херувимех, и видяй бездны, разумеваяй помышления моя издалеча! Ты веси, яко ненавижду, не хощу, и не соизволяю нечистым, мерзким, хульным помышлениям, безстудне на мя нападающим; и молю Твою благость, запрети духу хульному, да отступит от мене, отжени мысли злыя, да не стужают ми, утиши волнение сердца моего, укроти бурю помыслов моих, посрами врага смущающаго совесть мою, да не порадуется враг мой о мне; Тебе бо трепещут и трясутся противнии дуси. Тебе послушают всяческая. Тебе работна суть вся; Ты повели буре и волнению ума моего, да станет в тишину, да без сумнения и смущения поработаю Тебе, Господу моему, во вся дни живота моего! Аминь.

Молитва вторая
Господи! зриши ми скорбь, зриши мою беду, зриши и безстудие врага моего, яко люте и тяжце нападает на мя хульными помыслы, оскорбляя душу мою, опечаляя сердце мое, помрачая ум мой, и смущая совесть мою, егоже богохульнаго шептания и богомерзкаго во уме моем глаголания толико ненавижду, яко первее умрети хотел бых, неже сия на Тя благаго Бога моего помыслы хульные прияти, и сим соизволити, яже враг мой во уме моем вещает; но за слабость мою, тым противным и богохульным и богомерзким мыслем одолети, и от себе я отгнати не могу без Твоея, Боже мой, помощи: естество бо мое страстно, ум непостоянен, сила моя немощна, супостат же мой крепок, и сила его превосходит моя силы; и аще не бы Ты, Господь крепок и силен был в людех Своих, то кто доволен, цел сохранен быти от врага и человекоубийцы диавола? Тем припадаю Ти, о Всемилостивый и Премилосердый! не хотяй отчаяния моего, Создателю Боже! и молю всесильную Твою помощь, порази на главу стужающаго ми врага, блесни молнию, и раждени обышедшия мя супостаты, возсияй светлую в сердцы моем благодати Твоея зарю, да отбежит от мене темный облак хульных, находящих на мя мыслей, да в свете помощи Твоея узрю Тебе Христа моего, просвещающаго всякаго человека, да в свете лица Твоего пойду, и о имени Твоем возрадуюся во веки! Аминь.

Молитва третья, на беса хульнаго
Да обратится болезнь твоя на главу твою, и на верх твой хула твоя да снидет, лукавый бесе и нечистый; аз бо Господу Богу моему кланяюся, и Того никогдаже похулю. Како бо ми возможно Сему досадити, или Его похулити, Егоже по вся дни и нощи и часы славословлю, и покланяюся от всея души моея и крепости и мысли моея? Но убо славословие мое есть, хула же твоя есть; ты узриши, о нихже нань клевещеши, и яко отступник на Бога глаголеши.

Молитва четвертая, запрещение диаволу
Запрещает ти, вселукавый душе, диаволе, Господь, пришедый в мир Пречистою и Святою Девою воистинну Богородицею на спасение миру нас деля грешных. Проклят еси ты и вся неприязненная твоя помышления, яже в нощи и во дни. Заклинаю тя именем Единосущныя и Неразделимыя Троицы, Отца и Сына и Святаго Духа, отступи от мене раба Божия (имя), не влагай в сердце мое помыслов неприязненных, но отыди в места пуста и безводная, идеже не присещает Господь. Заклинаю тя, нечистый и богохульный душе, именем Господа нашего Иисуса Христа, не блазнити, не смущати мя хульными помыслы, внегда сотворити ми молитвы моя к Господу Богу моему, но да будут вся твоя хульная помышления на твою главу в День Судный; аз бо Господу Богу моему служу, и Тому единому возсылаю молитву во дни и нощи, тебе упражняющу, мене же милующу, и укрепляющу, и оставляющу ми за многую Его благость и милость вся прегрешения. Иди за мною, сатано, и проклят буди ты, и вся неприязненная твоя и противная сила, яко благословися и прославися пречестное имя Отца и Сына и Святаго Духа, ныне и присно, и во веки веков. Аминь.

Молитва пятая, к Пресвятой Богородице
Пресвятая Владычице моя Богородице, святыми Твоими и всесильными мольбами отжени от мене смиреннаго и окаяннаго раба Твоего уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благословена еси от всех родов, и славится пречестное имя Твое во веки веков. Аминь.

Молитва шестая, к Богу
В руце Твоего превеликаго милосердия, о Боже мой! вручаю душу и тело мое, чувства и глаголы моя, советы и помышления моя, дела моя, и вся души и тела моего употребления, вход и исход мой, веру и жительство мое, течение и кончину живота моего, день же и час издыхания моего, преставление мое и упокоение, и воскресение души и тела моего, со всеми святыми избранными Твоими. Ты же преблагий и человеколюбивый Боже! приими мя в руце защищения Твоего, и избави мя от всякаго зла, прости премножество грехов моих, очисти оскверненную ми душу и тело, и сохрани мя в крове милости Твоея во вся дни живота моего, яко да Твоею благодатию укрепляемый избавлюся от ловящих мя сетей вражиих, и Твоею благостынею в чувство приведен, и на путь истиннаго покаяния наставлен, сподоблюся христианския кончины, животу моему безстрастныя, непостыдныя, мирныя, и немятежнаго от воздушных духов прошествия, и добраго ответа на страшном Твоем суде, и да сподоблен буду зрения неизреченныя Ти славы, и слышания пресладкаго Твоего, благословеннаго Ти гласа, и у Тебе Бога моего да получу жизнь и спасение, аминь.

Псалом Давиду, 27
К Тебе, Господи, воззову, Боже мой, да не премолчиши от мене, да не когда премолчиши от мене, и уподоблюся низходящым в ров. Услыши, Господи, глас моления моего, внегда молити ми ся к Тебе, внегда воздети ми руце мои к храму святому Твоему. Не привлецы мене со грешники и с делающими неправду не погуби мене, глаголющими мир с ближними своими, злая же в сердцах своих. Даждь им, Господи, по делом их, и по лукавству начинаний их: по делом руку их даждь им: воздаждь воздаяние их им. Яко не разумеша в дела Господня и в дела руку Его: разориши я, и не созиждеши я. Благословен Господь, яко услыша глас моления моего. Господь Помощник мой, и Защититель мой: на Него упова сердце мое, и поможе ми, и процвете плоть моя, и волею моею исповемся Ему. Господь утверждение людей Своих, и Защититель спасений Христа Своего есть. Спаси люди Твоя и благослови достояние Твое, и упаси я, и возми я до века.

Тоже: Честнейшую Херувим… Слава, и ныне. Господи помилуй (трижды). Господи, благослови. И отпуст. Аще мощно, сотвори и поклонов по силе, и избавишься от хульных мыслей Богу помогающу.

Кратчайший образ избавления от хульных мыслей
Аще приидет хульный помысл на Бога, читай: Верую во единаго Бога… до конца: и будет ли мощно, сотвори метаний, или поклонов что-либо по силе.
Аще приидет хульный помысл на Пречистыя Тайны Христовы, читай: Верую, Господи, и исповедую, яко Ты еси воистинну Христос… до конца и сотвори поклонение.
Аще приидет хульный помысл на Пречистую Богородицу, читай, каковую-либо молитву к Пречистой Богородице; или: Под Твое благоутробие… или: Богородице Дево, радуйся… или какой-либо тропарь Богородичен, с поклонами, глаголя: Пресвятая Богородице, спаси мя грешнаго!
Аще кий приидет хульный помысл на коего святого, читай сие: Моли Бога о мне грешном, святый (имя), яко аз по Бозе к тебе прибегаю, скорому помощнику и молитвеннику о душах наших. И сотвори поклонов по силе, глаголя: Святый (имя), моли Бога о мне грешном.
Аще приидет хульный помысл на какую икону, сотвори пред тою иконою поклонов 15, или колико можеши, молящися тому, иже на той иконе изображен, и тако хульныя мысли, ни во чтоже вмениши Божиею помощию. Аминь.

схиигумен Савва (Остапенко)
Дополнение к общему молитвослову

Молитва

Достойно славимая и праведно от всех Горних Чинов ублажаемая, яко без сравнения их Превосходящая, Бога и Творца всяческих Рождшая, паче всех Возвеличенная! Ей же, яко Царице, предстоят лица Ангельстии, Гавриилову песнь возглашающие: «Радуйся, Благодатная. »

Наши же грешные и бренные уста кую достойную похвалу принести возмогут величию Твоему, точию да зовем Ти: О Пречудная Владычице! Молися из Тебе воплощенному Христу Богу нашему, да призрит на ны, люди безответныя, да сохранит невредимых от всех навет вражиих и злых клевет, много бо может Твоя Матерняя молитва, по реченному: «Проси, Мати Моя, не отвращуся, но вся прошения Твоя исполню!» Радостию о сем исполняемии, взываем Ти: спаси, Владычице, погибающия рабы Твоя, просвети омраченныя суемудрствованиями века сего и приведи ны к Сладчайшему Иисусу, да вечно радующеся, взываем: слава Отцу, слава Сыну, слава Святому Духу, слава и Тебе, Преславней и Пренепорочней Деве Богоматере, ублажаемой и благословляемой в безконечные веки веков. Аминь.

Радуйся, Радосте наша, покрый нас от всякого зла честным Твоим омофором!

Польза от чтения Богородичного правила

От чтения 150 раз «Богородице Дево, радуйся…» бывает человеку великая польза.

Господь показал нам, сколь сильна пред Ним молитва Пречистой Его Матери и сколь действенна приносимая Ею помощь во всех обстоятельствах.

Это воззвание в самых непроходимых местах указывало выход: не расположенных к нам располагало, злые сердца неоднократно умягчало, а не умягчившиеся посрамляло и удаляло; при полной беспомощности вдруг подавало неожиданную помощь, и притом с такой стороны, с которой невозможно было никак ее ожидать.

Чтение 150 раз «Богородице Дево, радуйся…» гнев Божий отклоняло и самый приговор Судии Сердцеведца отменяло!

О великое дерзновение!

О страстное заступление!

От огня страстей изымет, со дна падения подымает «Богородице Дево, радуйся…» С сею молитвою никак не погибнем: в море не потонем, в огне не сгорим; если же сатана, ненавидящий нас, запнет нам путь и сшибет нас, то и тогда вознесем: «Богородице Дево, радуйся…» И возсылая, воспрянем, восстанем, затемненныя просветимся, больные душею исцелимся, загрязненныя грехами очистимся, убелимся, яко снег, Чистотою Высшей Небес и Чистейшей светлостей солнечных лучей. Мертвые, убитые страстями, воскреснем, оживем и в восторге духа воспоем:

Молитвы от погибели и избавлении от блудных, хульных и злых помыслов

(Собрал схиигумен Савва)

Начало обычное

Царю́ Небе́сный, Уте́шителю, Ду́ше и́стины, Иже везде́ сый и вся исполня́яй, Сокро́вище благих и жизни Подателю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши наша.

Святы́й Бо́же, Святый Кре́пкий, Святый Безсме́ртный, помилуй нас (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, помилуй нас; Господи, очи́сти грехи́ наша; Влады́ко, прости́ беззакония наша; Святы́й, посети́ и исцели́ не́мощи наша и́мени Твоего ра́ди.

Господи, помилуй (трижды).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Отче наш, Иже еси́ на небесе́х! Да святи́тся имя Твое́, да прии́дет Ца́рствие Твое, да будет воля Твоя, яко́ на небеси́ и на земли́. Хлеб наш насу́щный даждь нам днесь; и оста́ви нам до́лги наша, я́коже и мы оставля́ем должнико́м нашим, и не введи́ нас во искуше́ние, но изба́ви нас от лука́ваго.

Господи, помилуй (12 раз).

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Аминь.

Прииди́те, поклони́мся Царе́ви нашему Богу.

Прииди́те, поклони́мся и припадем Христу, Цареви нашему Богу.

Приидите, поклонимся и припадем Самому́ Христу, Цареви и Богу нашему.

Псалом 50

Поми́луй мя, Боже, по вели́цей милости Твоей, и по множеству щедро́т Твоих очисти беззаконие мое. Наипа́че о́мый мя от беззако́ния моего, и от греха моего очисти мя, яко беззаконие мое аз знаю, и грех мой предо мною есть вы́ну [2] . Тебе едному согреши́х и лукавое пред Тобою сотворих; яко да оправди́шися во словесех Твоих, и победиши внегда́ судити́ Ти. Се бо, в беззако́ниих зача́т есмь, и во гресех роди мя ма́ти моя. Се бо, истину возлюбил еси, безве́стная и тайная премудрости Твоея́ яви́л ми еси. Окропи́ши мя иссо́пом, и очи́щуся; омы́еши мя, и па́че снега убелю́ся. Слуху моему даси радость и веселие; возрадуются кости смиренныя. Отврати́ лице Твое от грех моих и вся беззакония моя очисти. Сердце чисто сози́жди во мне, Боже, и дух прав обнови во утро́бе моей. Не отве́ржи мене от лица Твоего и Духа Твоего Святаго не отыми́ от мене. Возда́ждь ми радость спасения Твоего и Духом Влады́чним утверди мя. Научу беззаконныя путем Твоим, и нечести́вии к Тебе обратятся. Изба́ви мя от крове́й, Боже, Боже спасения моего; возрадуется язык мой правде Твоей. Господи, устне́ мои отве́рзеши, и уста моя возвестят хвалу Твою. Яко аще бы восхоте́л еси жертвы, дал бых убо: всесожже́ния не благоволи́ши.

Жертва Богу дух сокрушен; сердце сокруше́нно и смире́нно Бог не уничижи́т.

Ублажи́, Господи, благоволе́нием Твоим Сио́на, и да созиждутся стены Иерусали́мския. Тогда благоволи́ши жертву правды, возношение и всесожега́емая; тогда возложат на олта́рь Твой тельцы́.

Псалом 3

Господи, что ся умножиша стужающии ми? Мнози востают на мя, мнози глаголют души моей: несть спасения ему в Бозе его. Ты же, Господи, Заступник мой еси, слава моя, и возносяй главу мою. Гласом моим ко Господу воззвах, и услыша мя от горы святыя Своея. Аз уснух, и спах, и востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил еси вся враждующия ми всуе: зубы грешников сокрушил еси.

Господне есть спасение, и на людех Твоих благословение Твое.

Молитва 1-я

Владыко Господи Боже мой, Егоже в руках жребий мой, заступи мя по милости Твоей и не остави мя погибнути со беззаконии моими, ниже воли последовати похотствующия плоти на дух, создание Твое есмь, не презри дело руку Твоею, не отвратися, ущедри, но не уничижи: не презри мя, Господи, яко немощен есмь, яко к Тебе прибегох, покровителю моему Богу, исцели душу мою, яко согреших Тебе. Спаси мя ради милости Твоея, яко к Тебе привержен есмь от юности моея: да посрамятся ищущии отринути от Тебе деяньми нечистыми, помышленьми нелепыми, возмопинаньми неполезными. Отгони от мене всякую скверну, злобы излишество: яко Ты еси Един Свят, Един Крепкий, Един Безсмертный, во всех имеяй могущество безприкладное, и Тобою дается всем, яже на диавола и его воинства, крепость. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Молитва 2-я, ко Пресвятой Богородице

Пресвятая Владычице моя Богородице, святыми Твоими и всесильными мольбами отжени от мене смиреннаго и окаяннаго раба Твоего уныние, забвение, неразумение, нерадение, и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий, и от всех действ злых свободи мя. Яко благословена еси от всех родов, и славится пречестное имя Твое во веки веков. Аминь.

Также: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Господи, помилуй (трижды).

Господи Иисусе Христе, Сыне Божий, молитв ради Пресвятыя Твоея Матери, преподобных и богоносных отец наших и всех Святых, помилуй нас. Аминь.

Молитва бываемая прежде еже уснути, и о искушающемся во сне

Многопетый Господи, нетленне, нескверне, едине безгрешне, очисти мя раба Твоего (сказать имя) от всякия скверны плоти и духа, и нескверна покажи благодатию Христа твоего: и освяти мя наитием Святаго Твоего Духа; да воспрянув от мглы нечистых мечтаний диавольских и всякаго искушения, сподоблюся во время благопотребно приступити и вкусити ужасных Твоих и страшных Таинств. Яко Ты еси благословляяй и освящаяй всяческая, Боже наш, и Тебе славу возсылаем, со Единородным Твоим Сыном и с Пресвятым Духом, ныне и присно и во веки веков. Аминь.

Молитва иная подобна

Боже сил, исцеляяй всяк недуг и всякую язю в людех, очисти рабы Твоя, и не даждь злому человеку и демону насильствующа: запрети нечистым духом, сокруши сатану под ноги рабов Твоих, обнови я Святым Твоим Духом, соедини я Святей Твоей Церкви, и всякаго действа противолежащаго избавивый, представи Святому Твоему жертвеннику, и небесных Твоих Животворящих Таин сподоби. Яко Ты еси Бог наш, Бог кающихся, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

Молитва на брань блуда

Господи Боже правды, крепосте моя и помоще и прибежище мое в день злый. Ты спасаеши во время скорби, спаси мя (имя), яко внидоша воды до души моея, углебох в тимении глубины, и несть постояния от лица врага насильствующа: яко погна душу мою, попра в землю живот мой, во всю нощь поборя оскорби мя.

Благоволи, Господи, еже избавити мя от руки беззаконующа и обидяща, яко да не согрешу Тебе: зане страх смертный нападе на мя, и покры мя тма. Доколе воззову, Господи, и не услышиши; возопию к Тебе обидим, и не спасеши. Призри с небесе, Господи, и виждь от дому святаго Твоего и славы Твоея: где есть множество щедрот Твоих, по милости Твоей, яко претерпел еси нас ради; суди обидящия мя, не буди яко человек спяй и яко муж не могий спасати, яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Досто́йно есть яко вои́стинну блажи́ти Тя, Богоро́дицу, Присноблаже́нную и Пренепоро́чную и Матерь Бога нашего. Честне́йшую Херуви́м и сла́внейшую без сравнения Серафи́м, без истле́ния Бога слова рождшую, су́щую Богородицу Тя величаем.

Молитвы ко Господу Иисусу Христу. Молитвы Пречистой Божией Матери и Святым угодникам Божиим

Молитва Распятому Христу

О Господи Иисусе! Страстьми Твоими, которые претерпел Ты на Кресте, молю Тебя: сжалься над моею бедною и грешною душею и помилуй ее, когда она будет расставаться с моим бренным телом. Аминь [3] .

Крест – наша сила!

Крест – наша любовь!
Крест – наша вечность!
Крест – наш покров!
Крест – фундамент всякого благополучия!
И наоборот:
Нет Креста – нет любви, нет и силы,
Не получишь радость,
Не увидишь сладость (вечную).

Святый Крест

Символ веры, символ правды,
Символ мужества в борьбе,
Слаще нет святой отрады –
Поклонения Тебе!

Крест Святой, Животворящий!
Милость Божью нам яви,
И на подвиг предстоящий
В жизни нас благослови!

Господи, силою Креста Твоего спаси мя, пошли мне крепкую веру и благочестие!

Величаем Тя, Живодавче Христе, и чтем Крест Твой Святый, имже нас спасл еси от работы вражия!

Крестная молитва

О Владыка мира! Ум мой просвети
И Крестом луч веры в сердце засвети.
Крест Твой и все Страсти в глубине души,
И в уме, и в сердце Сам мне напиши.
Я тебя за милость, Боже мой, Царю,
Верой и любовью возблагодарю.
Буду со слезами Крест Твой Пречестной
Петь умом, устами, сердцем и душой!

Кресту Твоему покланяемся, Владыко, и Святое Воскресение Твое славим!

Молитва Святому и Животворящему Кресту Господню

(От Гроба Господня)

Дивною чудодейственною силою, Четвероконечный и Трисоставный Крест Христов, у подножия твоего во прах распростертые:

Покланяемся ти, Честное Древо, отгоняющее от нас всякое демонское стреляние и освобождающее нас от всех бед, скорбей и напастей. Ты бо еси Древо жизни. Ты еси очищение воздуха, освящение святаго храма, ограждение нашего жилища, охранение одра моего, просвещение ума моего, сердца и всех моих чувств. Твое святое знамение ограждает мя со дня моего рождения, просвещает со дня моего крещения; оно со мною и на мне во вся дни живота моего: и на суше, и на водах. Оно же сопровождать мя будет до могилы, осенит и прах мой.

Оно бо, святое знамение чудодейственнаго Креста Господня, возвестит всей вселенней о часе всеобщаго воскресения мертвых и последняго Страшнаго и Праведнаго Суда Божия.

О Кресте Всечестный!

Осенением твоим вразуми, научи и благослови мя, недостойнаго, всегда несомненно верующего в непобедимую Силу Твою, огради мя от всякого супостата и исцели вся недуги моя душевныя и телесныя.

Господи, Иисусе Христе, Сыне Божий, силою Честнаго и Животворящаго Креста Твоего помилуй и спаси мя, грешнаго, от ныне и во веки веков. Аминь.

Молитвы Божией Матери

О Пресвятая Госпоже Владычице наша Богородице, Небесная Царице, спаси и помилуй всех нас от напрасныя клеветы, от всякия беды и напасти и внезапныя смерти.

Помилуй всех нас и сродников наших, в дневных и ночных часех, утренних и вечерних: во всякое время сохрани нас: соблюди нас на всяком пути ходящих.

Заступи, защити, Владычице Богородице, от всех врагов наших видимых и невидимых, от всякого злаго обстояния во всякое время, во всяком месте.

Буди нам, Матерь Преблагая, необоримая истина и крепкое заступление. Покрый нас честным Твоим омофором и даруй нам мирную и безмятежную кончину. Аминь.

Молитва к Богородице о заступлении в жизни, смерти и по смерти

Дево Владычице, Матерь Человеколюбивого Бога, приведи в сокрушение сердце мое и смири его, наполни очи мои спасительными слезами и просвети их светом молитв Твоих, да не усну в смерть. Окропи и очисти меня иссопом милосердия Твоего, омый меня слезами моими, да паче снега убелюся. Ей, Матерь Господа моего Иисуса Христа, приими сие уничиженное мое исповедание и мольбу мою, плени ум мой и остаток жизни моей соблюди в покаянии без соблазна.

Во время исхода – увы мне! При вратах будет у меня слово со врагами, тогда, Владычице, воззри на меня милостивым оком Твоим, освободи меня от немилосердных истязателей и страшных приставников князя века сего. Будь моею защитницею и уничтожи тогда все рукописания грехов моих, непостыженным и спасенным приведи меня к престолу Сына Твоего и Безначального Отца Его и Всесвятаго Духа, Единей и Единосущней Троице. Аминь.

«Огради меня, Господи, Боже мой, от лукавых духов!»

– так молилась Пресвятая Богородица.

О Всемилостивая Владычице! Огради и меня от злых бесов, искушающих мя, и от лукавых человек и дай мне познать их лукавство.

Молитва Божией Матери «всех скорбящих радосте»

Дай усталой главою склониться, Матерь Божия, мне пред Тобою, дай в горячей молитве забыться от тоски и печали земной! Ты Сама знала скорби земные, Твоя так же томилась душа, и лились Твои слезы святые у подножья Святаго Креста. Ты поймешь мою боль и страданье, что так часто бывает со мною. На Тебя все мое упованье, я люблю Тебя всею душою! Ты во всем мне всегда помогаешь благодатною силой Своей и от горя и мук защищаешь, буду славить Тебя до конца своих дней!

Источники:

http://lektsii.org/10-68824.html
http://xn--80adrleanb2b3i.xn--p1ai/%D0%BC%D0%BE%D0%BB%D0%B8%D1%82%D0%B2%D1%8B-%D0%BD%D0%B0-%D0%B2%D1%81%D1%8F%D0%BA%D1%83%D1%8E-%D0%BF%D0%BE%D1%82%D1%80%D0%B5%D0%B1%D1%83-%D0%BD%D1%83%D0%B6%D0%B4%D1%83/%D0%BC%D0%BE%D0%BB%D0%B8%D1%82%D0%B2%D1%8B-%D0%BD%D0%B0-%D0%B8%D0%B7%D0%B1%D0%B0%D0%B2%D0%BB%D0%B5%D0%BD%D0%B8%D0%B5-%D0%BE%D1%82-%D1%85%D1%83%D0%BB%D1%8C%D0%BD%D1%8B%D1%85-%D0%BF%D0%BE%D0%BC%D1%8B%D1%81%D0%BB%D0%BE%D0%B2
http://fictionbook.ru/author/shiigumen_savva_ostapenko/dopolnenie_k_obshemu_molitvoslovu/read_online.html?page=2