Молитва о воспитании детей
Молитва перед иконой Божьей Матери «Воспитание»
Чтобы жизнь наших детей сложилась как можно лучше, родители готовы на многое. Православные верующие обращаются за помощью к многочисленным святым. Даже за поддержкой в воспитании собственных детей используют молитвы Пресвятой Богородице к иконе «Воспитание».
История иконы
Дата празднования: 18 марта
Говорят, что икона зародилась в древней Византии. Позже она была перевезена в Россию, в Казанский собор. Богоматерь изображена с младенцем на руках. Образ этот находился в соборе до 1917 года. Когда собор на Красной площади был разрушен, икона была утеряна. Сейчас на месте был воссоздан список с чудо-иконы.
Название говорит само за себя. Родители проговаривают молитвы перед иконой «Воспитание» за своих чад, чтобы Дева Мария взяла их под свое крыло, помогла образумить и направить на правильный путь.
Значение иконы «Воспитание»
Почти все православные верующие родители имеют данный образ Богородицы. С самых древних времен верующие читали молитву, чтобы дети получали грамотное и правильное воспитание. В чаде с младенчества должна быть заложена любовь, сочувствие, понимание.
О чем молятся перед иконой?
Родители всегда беспокоятся за своих детей, ведь им на всем жизненном пути встречается немало преград, негатива, жестокости, зла и обид. Чтобы все это проходило мимо и ребенку ничего не угрожало, читаются молитвы иконе «Воспитание» Пресвятой Богородице. Образ наделяет чадо нравственными качествами. Также улучшает здоровье, обеспечивает безопасность от внешнего мира. Божья Матерь не оставит в трудную минуту, не оставит вас и ваших детей без присмотра.
Тексты молитв перед иконой «Воспитание»
Тропарь, глас 4
Воспита́вшейся во хра́ме во свята́я святы́х,/ оде́янней ве́рою и прему́дростию и безме́рным де́вством,/ Архистрати́г Гаврии́л принесе́ с небесе́ целова́ние/ и е́же ра́дуйся, ра́дуйся Благослове́нная,// ра́дуйся, Препросла́вленная, Госпо́дь с Тобо́ю.
Молитва Пресвятой Богородице пред иконой Ея «Воспитание»
О, Пресвята́я Влады́чице Де́во Богоро́дице, спаси́ и сохрани́ под кро́вом Твои́м ча́д мои́х (имена́ и́х), все́х отроко́в, отрокови́ц и младе́нцев, креще́ных и безымя́нных и во чре́ве ма́тере носи́мых. Покры́й и́х ри́зою Твоего́ Матери́нства, соблюди́ и́х во стра́се Бо́жием и в послуша́нии роди́телем, умоли́ Сы́на Твоего́ и Го́спода на́шего, да да́рует и́м поле́зная ко спасе́нию и́х. Вруча́ю и́х Ма́тернему смотре́нию Твоему́, я́ко Ты́ еси́ Боже́ственный покро́в рабо́м Твои́м. Ами́нь.
Елицы
19 января – праздник Крещения Господня (Богоявление). Заказав записки за ваших родных и близких на Крещенскую Литургия на Святой земле в Храме Рождества Христова в Вифлееме, вы бесплатно получите на почту Именные Сертификаты, которыми сможете поздравить их с праздником Крещения Господня.
Молитвы о воспитании и вразумлении детей.
Были напечатаны по благословению Архиепископа Пермского и Соликамского Афанасия Сохраняйте и распространяйте.
Молитва перед иконой Пресвятой Богородицы «Воспитание»:
Стеною несокрушимою стани, Небесная Царица, чадом моим, да под Твоим блаженным Покровом возмогут содеяти множество благих дел, да с ними зову Тебе сице. Воспитай чад моих ведущими творити волю Сына Твоего и Бога. Воспитай чад моих ненавидящими грех и всякое беззаконие. Воспитай чад моих в чистоте непорочной. Воспитай чад моих восходящими по лествице живота своего на кийждо день. Воспитай чад моих в горести обрещающа очи свои к Твоему милосердию. Воспитай чад моих в послушании и целомудрии Тебе служащих. Воспитай, Владыце, чад моих (имена) достойна Небесного Царствия и наследниками вечных благ их сотвори. (Из акафиста)
Молитва Богу:
Отче Святый, Превечный Боже, от Тебя исходит всякий дар или всякое благо. Тебе прилежно молюсь о детях, которых благодать Твоя мне даровала. Ты дал им жизнь, оживотворил их душою безсмертною, возродил святым крещением, дабы они сообразно с волею Твоею унаследовали Царство Небесное, сохрани их Твоею истиною, да святится в них имя Твое. Содействуй мне благодатию Твоею воспитать их во славу Твоего имени и на пользу ближним, дай мне для этого потребные средства: терпение и силу. Господи, просвети их светом Твоея Премудрости, да любят Тебя всею душею, всем помышлением; насади в сердцах их страх и отвращение от всякого беззакония, да ходят в заповедях Твоих; украси души их целомудрием, трудолюбием, долготерпением, честностию, огради их правдою от клеветы, тщеславия, мерзости, окропи росою благодати Твоея, да преуспевают в добродетелях и святости и да возрастают в благоволении Твоем, в любви и благочестии. Ангел-хранитель да пребывает с ними всегда и соблюдает их юность от суетных мыслей, от прельщения соблазнов мира сего и от всяких лукавых наветов. Если же когда согрешат пред Тобою, Господи, не отврати Лица Твоего от них, но буди к ним милостив, возбуди в их сердцах покаяние по множеству щедрот твоих, очисти согрешения и не лиши Твоих благ, но подай им все угодное для их спасения, сохраняя их от всякой болезни, опасности, бед и скорбей, осеняя их Твоею милостию во вся дни жизни сей. Боже, Тебе молюся, дай мне веселие и радость о моих детях и сподоби мне предстати с ними на Страшном суде Твоем, с непостыдным дерзновением сказать: « Вот я и дети, которых Ты мне дал, Господи. Аминь». Да прославим Всесвятое имя Твое, Отца и Сына и Святаго Духа. Аминь.
Молитва Господу:
Господи Иисусе Христе, буди милость Твоя на детях моих (имена), сохрани их под кровом Твоим, покрый от всякаго лукаваго похотения, отжени от них всякаго врага и супостата, отверзи им уши и очи сердечныя, даруй умиление и смирение сердцам их. Господи, все мы создание Твое, пожалей детей моих (имена) и обрати их на покаяние. Спаси, Господи, и помилуй детей моих (имена) и просвети им ум светом разума Евангелия Твоего и настави их на стезю заповедей Твоих и научи их, Спасе, творити волю Твою, яко Ты есть Бог наш.
Молитва к Божией матери:
О пресвятая Владычице Дево Богородице, спаси и сохрани под кровом Твоим моих чад (имена), всех отроков, отроковиц и младенцев, крещенных и безымянных, и во чреве матери носимых. Укрой их ризою Твоего материнства, соблюди их во страхе Божием и в послушании родителям, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный Покров рабам Твоим. Уврачуй душевные и телесные раны чад моих (имена), моими грехами нанесенные. Вручаю дитя мое всецело Носподу моему Иисусу Христу и Твоему, Пречистая, небесному покровительству. Аминь.
Молитва об исцелении болящего ребенка:
О, Матерь Милосердная! Ты видишь жестокую скорбь, терзающую мое сердце! Ради той скорби, которою пронзалась Ты, когда страшный меч прошел в душу Твою при горьком страдании и смерти Божественного Сына Твоего, молю Тебя: помилуй бедное дитя мое, болящее и увядающее, и если не противно то воле Божией и его спасению, исходатайствуй ему здравие телесное у Всемогущего Твоего Сына, Врача душ и телес, Который исцеляет всякую болезнь и всякую немощь, и сжалившись над слезами матери, рыдавшей о потере единственнаго сына, возбудил его от смерти и отдал ей его. О, Любвеобильная Матерь! Воззри, как побледнело лицо моего детища, как горят от недуга все жилы его, и умилосердись над ним, да не похитит его смерть на заре жизни, но да спасется оно Божией помощью и послужит с радостию сердца Твоему Единородному Сыну, Господу и Богу своему. Аминь.
О воспитании детей в христианском благочестии (Мученице Софии):
О, многострадальная и премудрая великомученице Христова Софие! Ты душею на небеси у престола Господня предстоиши, на земли же, данною тебе благодатию, различная совершаеши исцеления; призри убо милостивно на предстоящия люди и молящиеся пред мощами твоими, просящия твоея помощи;простри ко Господу святые молитвы твоя о нас, и испроси нам оставление согрешений наших, недужным исцеление, скорбящим и бедствующим скорую помощь; умоли Господа, да подаст всем нам христианскую кончину и добрый ответ на Страшном Суде Своем, да сподобимся и мы купно с тобою славити Отца и Сына и Святаго Духа во веки веков. Аминь.
Молитва о вразумлении детей:
Господи, Ты Един вся веси, все можеши и всем хочешь спастись и в разум Истины придти. Вразуми детей моих (имена) познанием Истины Твоея Святыя и укрепи их ходити по заповедям Твоим, и меня, грешную, помилуй.
Молитва на благословление учения:
Благослови Господи на всякое время низпослати на отрока сего ______ Духа премудрости и разума, и обрести ум и уста, и просвети сердце его от всякия скорби, заступи, спаси, помилуй и сохрани его, Боже, во имя Отца и Сына и Святаго Духа. Аминь.
Когда детям трудно дается учение:
Господи Иисусе Христе Боже наш, вселивыйся в сердца двунадесятих Апостолов нелицемерно, благодатию Всесвятаго Духа, сошедшаго в виде огненных язык, и сих устно отверзый, и начаша глаголати иными языки. Сам, Господи Иисусе Христе Боже наш, низпосли того Духа Твоего Святаго, на отроча сие, ______ и насади во ушеса сердца его Священныя Писания, яже рука Твоя пречистая на скрижалех начерта законоположнику Моисею, ныне и присно и во веки веков. Аминь.
Молитва о благосостоянии детей в обществе и их жизненном устройстве (Святителю Митрофану Воронежскому):
О, всехвальный святителю Христов и чудотворче Митрофане! Приими сие малое моление от нас грешных раб Божиих (имена), к тебе прибегающих, и теплым твоим предстательством умоли Господа и Бога нашего Иисуса Христа, яко да призрев на ны милостивно, подаст нам согрешений наших вольных и невольных прощение, и по велицей Своей милости избавит нас от бед, печалей, скорбей и болезней душевных и телесных, обдержащих нас; да подаст земли плодоносне и вся на пользу жития нашего потребная, да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми славити Его бесконечное милосердие, со Безначальным Его Отцем и Животворящим Его Духом, во веки веков. Аминь.
О целомудрии и благополучном замужестве дочерей (Святителю Николаю Чудотворцу):
О, всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози ми, грешному и унылому в настоящем житии, умоли Господа Бога даровати ми, оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.
Молитва матери:
Господе Иисусе Христе, Сыне Божий молитв ради Пречистыя Твоея Матери услыши меня, грешную и недостойную рабу Твою (имя). Господи, в милости Твоей власти чадо мое (имя) помилуй и спаси его имени Твоего ради. Господи, прости ему вся согрешения, вольныя и невольныя, совершенные им пред Тобой. Господи, наставь его на истинный путь заповедей Твоих и вразуми его и просвети светом Твоим Христовым, во спасение души и исцеление тела. Господи, благослови его в доме, около дома, в поле, работе и в дороге и на каждом месте Твоего владения. Господи, сохрани его под кровом Твоим Святым от летящей пули, стрелы, ножа, меча, яда, огня, потопа, от смертоносной язвы (лучи атома) и от напрасной смерти. Господи, огради его от видимых и невидимых врагов, от всяких бед, зол и несчастий. Господи, исцели его от всяких болезней, очисти от всякия скверны (вина, табака, наркотиков) и облегчи его душевные страдания и скорби. Господи, даруй ему благодать Святаго Духа на многие лета жизни и здравия, целомудрия. Господи, дай ему свое благословение на благочестивую семейную жизнь и благочестивое деторождение. Господи, даруй и мне недостойной и грешной рабе Твоей родительское благословение на чадо мое в наступающие утра, дни, вечера и ночи имени Твоего ради, ибо Царствие Твое вечно, всесильно и всемогуще. Аминь Господи помилуй! (12 раз)
Ангелу-Хранителю:
Святый Ангеле-Хранителю моих чад (имена), покрый их твоим покровом от стрел демонов, от глаз обольстителя и сохрани их сердце в ангельской чистоте. Аминь.
Молитва на родительское благословение:
Господи, Иисусе Христе, Сыне Божий благослови, освяти, сохрани сие чадо мое силою животворящего Креста Твоего.
Православные молитвы ☦
Акафист и молитва перед иконой Богоматери «Воспитание»
Оглавление:
Кондак 1
Взбранной Воеводе и усердной Воспитательнице рода христианскаго, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких бед наших чад свободи, да зовем Ти:
Радуйся, благая Воспитательнице, воспитанная во святая святых.
Икос 1
Ангела с небесе послати чадом нашим исходатайствуй, Пресвятая, у Сына Твоего и Бога нашего, якоже и Тебе послан бысть Гавриил архангел, и сподоби ны взывати Тебе сице:
Радуйся, рождением Своим родителей обрадовавшая; радуйся, со слезами многими у Бога испрошенная.
Радуйся, молитвы и поста светлое прозябение; радуйся благочестивыя жизни красный плоде.
Радуйся, от младенства святаго послушания исполненная; радуйся благочестием от сосца матерню напоенная.
Радуйся, любве всесветлое жилище; радуйся, милостей Господних сокровище.
Радуйся, благая Воспитательнице, воспитанная во святая святых.
Кондак 2
Видящи наше слезное родительское моление, умилосердися, Владычице, о чадех наших, возми их под Свой честный и благосветлый покров, да воззовут в весели Богу: Аллилуиа.
Икос 2
Разум чадом нашим низпосли, еже како добре Ти послужити, и наполни сердца их премудростию небесною, подаюши едину ю возлюбити, земное же презрети, и не возбрани устом нашим взывати таковая:
Радуйся, детство Свое при храме проведшая; радуйся, во святая святых возшедшая.
Радуйся, единому Богу посвященная; радуйся, молившаяся Ему день и нощь.
Радуйся, чистоту и целомудрие измлада возлюбившая; радуйся, смирение свое всеусердно охранявшая.
Радуйся, молитвою к Богу присно пламеневшая; радуйся, похвало и радосте родителей святых.
Радуйся, благая Воспитательнице, воспитанная во святая святых.
Кондак 3
Сила Вышняго да осенит чада наша Твоего ради неусыпного предстательства за них пред Сыном Твоим, да познавше Твое Матернее милосердие ко всем с верою притекающим к Тебе, воззовут Богу: Аллилуиа.
Икос 3
Имуще от Бога чад наших, не хощем зрети их в геенне огненней пребывающих, но записанных в книзе животней. Сего ради, Пречистая Дево, приклонися ко гласу моления нашего, взывающему Тебе:
Радуйся, Мати Бога и Слова; радуйся святая святых большая.
Радуйся воспитательнице Сына Божия; радуйся, кормилице Господа сил.
Радуйся, яко раждаеши Спасителя мира; радуйся, яко растиши Избавителя плененным.
Радуйся, яко носиши Наставника заблудшим; радуйся, яко Сын — Твой Господь.
Радуйся, благая Воспитательнице, воспитанная во святая святых.
Кондак 4
Бурю видяще соблазнов многоразличных, умножившихся, яко песия мухи и скнипы, в пределех наших, к Тебе, Благодатная, взываем о чадех своих, да избегнут сих и вопиют Богу: Аллилуиа.
Икос 4
Слышаще глас Твой, глаголющий Сыну Твоему: Прими всякаго молящагося Тебе и призывающа имя Мое на помощь, — простираем руце наша на молитве к Твоему милосердию, да возмеши чад наших под покров Свой и исполниши прошения наша таковая:
Радуйся, от уныния злаго чад наших избавляющая; радуйся, от безумнаго веселия их ограждающая.
Радуйся, в несении креста их укрепляющая; радуйся, в подвизех благочестия их утверждающая.
Радуйся, под покровом Твоим милостиво их сохраняющая; радуйся, здравие душ и телес им подавающая.
Радуйся, усердная Наставнице целомудрия; радуйся, милостивая Взыскательнице заблудших.
Радуйся, благая Воспитательнице, воспитанная во святая святых.
Кондак 5
Боготечная Звезда утренняя, Сын Твой, Пресвятая Дево, да возсияет светом невечерним в сердцах чад наших, во еже воззвати им Богу: Аллилуиа.
Икос 5
Видящи наше прилежное моление, не отврати лица Твоего от чад наших, аще и отвратятся Тебе, и услыши глаголы уст наших, вопиющих таковая:
Радуйся, яко научаеши чад наших имети разум на доброе; радуйся, на пути греха их запинающая.
Радуйся, право шествовати их наставляющая; радуйся, от лукавства злых человек их ограждающая.
Радуйся, в злострадании их укрепляющая; радуйся, благодарити Бога за все научающая.
Радуйся, благая Ходатаице присно о чадех наших к Сыну Своему; радуйся, Споручнице их пред Творцом и Богом.
Радуйся, благая Воспитательнице, воспитанная во святая святых.
Кондак 6
Проповедует весь мир христианский Твое всегдашнее заступление о молящихся Тебе. Сице и ныне услыши многоболезненное сие родительское моление о чадех наших, во еже звати им Богу: Аллилуиа.
Икос 6
Да возсияет луча благодати в душах чад наших, и, просвещении Тобою, узрят путь, ведущий в живот вечный, и последуют им, сохраняеми под Твоим всемогущим покровом. Сего ради услыши ны, зовущия Ти таковая:
Радуйся, родителей на любовь благу к чадом своим подвизающая, радуйся, сердца чад, во еже родителей своих чтити, умиляющая.
Радуйся, просящим подающая разум; радуйся, верных озаряющая смыслы.
Радуйся, всех скорбящих Радосте; радуйся, умягчение злых сердец.
Радуйся, Отрадо и Утешение; радуйся, прибавление ума.
Радуйся, благая Воспитательнице, воспитанная во святая святых.
Кондак 7
Хотяще чадом нашим вечнаго спасения, со слезами предстоим пред честною Твоею иконною, Владычице, да не презриши моления нашего, зовущаго Сыну Твоему: Аллилуиа.
Икос 7
Новую покажи милость на чадех наших, Владычице, и неизследимыми судьбами Сына Твоего привлецы их под Свой благодатный покров, да усердно зовем Ти:
Радуйся, воспитание чад наших, во еже огражденным им быти муки вечныя; радуйся, воспитание чад наших, во еже наследовати им блаженство непрестающее.
Радуйся, пробуждение совести чад наших на покаяние; радуйся, питающая их плодами добротолюбия.
Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблудших и ослепленных.
Радуйся, Судии праведнаго умоление; радуйся, многих согрешений прощение.
Радуйся, благая Воспитательнице, воспитанная во святая святых.
Кондак 8
Странствующе в юдоли сей многоскорбней по морю многомятежному страстей, чада наша где обрящут твердое пристанище, аще не в Тебе, Пречистая? Спутешествуй же им и настави их на путь истинный, да зовут Богу: Аллилуиа.
Икос 8
Всем еси Мати милующая, Пречистая Дево, якоже Христос Спаситель рече Тебе, у креста Его предстоящей: Се, сын Твой, — указуя на избраннаго от человек. Сего ради вручаем чада наша в руце Твои и во смирении зовем Ти:
Радуйся, чад наших благосердая Путеводительнице; радуйся, терния греховных страстей милосердая искоренительнице.
Радуйся, отраду в пустыне греха подающая; радуйся, в минуту скорби утешающая.
Радуйся, в землю обетования путеводствующая; радуйся, на воде упокоения веселящая.
Радуйся, совершенный разуме наставников и детоводителей; радуйся, благословение домов и семейств благочестивых.
Радуйся, благая Воспитательнице, воспитанная во святая святых.
Кондак 9
Всякаго блага исполни сердца и души чад наших, отгоняющи от них духа злосмраднаго безбожия, нечестия и блудодейства, господствующа в мире сем. Сохрани рабов Твоих в чистоте и целомудрии, да взывают во умилении Богу: Аллилуиа.
Икос 9
Витий суемудренных, лжущих на Твое всемощное заступление, отжени, Мати Божия, от чад наших, да не поползнутся умом в душетленная учения и не обратятся сердцем в похоти безместныя, но призри на ны, верно вопиющия:
Радуйся, добрым нравом чад наших научающая; радуйся, от злых навыков их избавляющая.
Радуйся, мудрых наставников Твоим рабом посылающая; радуйся, от худых сообществ их отвращающая.
Радуйся, благому учению внимати призывающая; радуйся, суетные басни презирати помогающая.
Радуйся, Божие ко грешным благоволение; радуйся, кающихся пред Господем крепкое заступление.
Радуйся, благая Воспитательнице, воспитанная во святая святых.
Кондак 10
Спасти хотя мир, Христос Бог призва не праведники, но грешники на покаяние. Сего ради молися Сыну Твоему о чадех наших, аще и уйдут в страну далече, обаче, взысканнии Твоим Матерним заступлением, возвратятся в сокрушении сердца к Отцу Небесному и воззовут Ему: Аллилуиа.
Икос 10
Стеною несокрушимою стани, Небесная Царице, чадом нашим, да Твоим предстательством избегнут змиева приношения, краснаго в снедь, последи же смертоноснаго, и возмогут чистым сердцем пети Тебе таковая:
Радуйся, избавляющая чад наших от ядовитаго зелия; радуйся, спасающая их от душепагубнаго пития.
Радуйся, от блудодейства их сохраняющая; радуйся, целомудрию их научающая.
Радуйся, потребление всякаго обольщения; радуйся, избавление всякаго смущения.
Радуйся, трезвения поборнице; радуйся, мудрости ходатаице.
Радуйся, благая Воспитательнице, воспитанная во святая святых.
Кондак 11
Пети Твое необоримое заступление выну сподоби чад наших, да обрящут Тебе крепкую Помощницу, и Твоею благодатию отверзут уста свои воспевати Богу: Аллилуиа.
Икос 11
Светоприемную свещу житие чад наших соделай, да присно горят любовию к Тебе и Сыну Твоему, и не презри ны, зовущия Ти:
Радуйся, дым соблазнов разгоняющая; радуйся, мглу страстей просвещающая.
Радуйся, зрение хранити научающая; радуйся, блюсти чувствования вразумляющая.
Радуйся, щедрот неизреченных Мати; радуйся, побуждающая чад наших в благоговении Тебе предстояти.
Радуйся, утешение им в скорби живоносное; радуйся, от набега лукавых прибежище непреложное.
Радуйся, благая Воспитательнице, воспитанная во святая святых.
Кондак 12
Благодатию неизреченною Духа Святаго напитай сердца чад наших, еже возлюбити токмо Сына Твоего и Бога и Тебе, Преблагую Заступницу, да, подвигшеся Тобою, зовут Царю всяческих: Аллилуиа.
Икос 12
Поюще Твое милосердие, имже милуеши и питаеши чад наших, молимся: не престай просити о них Сына Твоего, яко вся Тебе возможна суть, и услыши мольбы наша таковыя:
Радуйся, от купели святаго крещения чад наших Восприемнице; радуйся, к свету истины их Путеводительнице.
Радуйся, росу благодати Твоея им подающая; радуйся, млеком истины их питающая.
Радуйся, яко твориши чад наших земныя ангелы; радуйся, яко претворяеши их в небесныя человеки.
Радуйся, наследники Царствия Небеснаго их показующая; радуйся, в обителех небесных их водворяющая.
Радуйся, благая Воспитательнице, воспитанная во святая святых.
Кондак 13
О Всепетая Мати Иисуса Сладчайшаго! Приими малое сие моление о чадех наших в воню благоухания духовнаго и возми их под Твой милосердный покров. Еще же даруй им мыслити, глаголати и творити точию Тебе и Сыну Твоему угодная и посли им в жизни сей привременней вся полезная ко спасению душ их, да воспевают Богу: Аллилуиа.
(Сей кондак читается трижды, затем икос 1-й, кондак 1-й.)
Икос 1
Ангела с небесе послати чадом нашим исходатайствуй, Пресвятая, у Сына Твоего и Бога нашего, якоже и Тебе послан бысть Гавриил архангел, и сподоби ны взывати Тебе сице:
Радуйся, рождением Своим родителей обрадовавшая; радуйся, со слезами многими у Бога испрошенная.
Радуйся, молитвы и поста светлое прозябение; радуйся благочестивыя жизни красный плоде.
Радуйся, от младенства святаго послушания исполненная; радуйся благочестием от сосца матерню напоенная.
Радуйся, любве всесветлое жилище; радуйся, милостей Господних сокровище.
Радуйся, благая Воспитательнице, воспитанная во святая святых.
Кондак 1
Взбранной Воеводе и усердной Воспитательнице рода христианскаго, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких бед наших чад свободи, да зовем Ти:
Радуйся, благая Воспитательнице, воспитанная во святая святых.
(После акафиста читается молитва)
Молитва Пресвятой Богородице пред иконой «Воспитание»
«О Пресвятая Владычице Дево Богородице, премилосердая Мати всех человек, спаси и сохрани под кровом Твоим чад наших (имена), всех отроков, отроковиц, младенцев и во чреве матере носимых. Покрый их ризою Твоею, соблюди их во страсе Божием и послушании родителем, умоли Господа нашего и Сына Твоего, да дарует им вся полезная к душевному спасению. Вручаем их Твоему Материнскому смотрению, яко Ты еси Божественный покров рабом Твоим. Аминь.»
Тропарь, глас 4
Воспитавшейся во храме во святая святых, одеянней верою и премудростию и безмерным девстовом, архистратиг Гавриил принесе с небесе целование и, еже: Радуйся, радуйся, Благословенная, радуйся, Препрославленная, Господь с Тобою.
Источники:
http://omolitvah.ru/molitvy/molitva-pered-ikonoy-bozhey-materi-vospitanie/
http://elitsy.ru/profile/76156/1111312/
http://pravoslavnye-molitvy.ru/vospitanie/
Загрузка...
