Молитва на освящение памятника или креста

Молитва на освящение памятника или креста

Чи́нъ бл҃гослове́нія и ѡсщ҃е́нія надгро́бнагѡ крс̑та̀.

Іере́й во єпітрахи́ль и фелѡ́нь ѡдѣ́янъ зря̀ на восто́къ и крс̑тоѡбра́знѡ покади́въ но́вый крс̑тъ, начина́етъ:

Благослове́нъ бг҃ъ на́шъ:

Та́же тропа́рь крс̑ту̀, и конда́къ єгѡ̀, гла́съ д҃:

Вознесы́йся на крс̑тъ во́лею:

Посе́мъ чте́тъ моли́тву сію̀ ре́къ:

Гдс̑и бж҃е сла́вы, ѻ́ч҃е вседержи́телю, бж҃е саваѡ́ѳъ, и́же дре́вомъ живота̀ посредѣ̀ рая̀ су́щагѡ проѡбрази́лъ єсѝ животво́рный крс̑тъ, на не́мже возлю́бленный тво́й сн҃ъ пригвожде́нъ бы́въ у́мре, и сме́ртію сме́рть умертвѝ, и єго́же це́ркви свое́й ѻру́жіе непобѣди́мое, вѣ́ры утвержде́ніе, крѣ́пкое спасе́нія упова́ніе, и живота̀ получе́ніе дарова̀: тѣ́мже мы̀ рабѝ твоѝ толи́кія бл҃года́ти ту́не сподо́бльшеся и бл҃года́рни су́ще, сла́ву и бл҃годаре́ніе, и смире́нное поклоне́ніе въ мольбу̀ твоему̀ вели́честву прино́симъ: послѝ ны́нѣ бл҃года́ть прест҃а́гѡ своегѡ̀ дх҃а, млс̑тивнѡ призира́я на зна́меніе сіѐ крс̑тное, гро́бъ усо́пшаго здѣ̀ лежа́щагѡ вѣ́рнагѡ раба̀ твоегѡ̀ (илѝ усо́пшія здѣ̀ лежа́щія вѣ́рныя рабы̀ твоея̀) и́мр̑къ, зна́менующее, и бл҃гословѝ и ѡст҃ѝ є̀, и да́ждь єму̀ бы́ти зна́меніемъ стра́шнымъ и крѣ́пкимъ на вся̂ врагѝ ви̂димыя и неви̂димыя, прогна́ніе же и ѿраже́ніе всѣ́хъ ко́зней и прило́гѡвъ діа́вольскихъ: твои̂мъ лю́демъ же да бу́детъ покро́въ держа́венъ, вѣ́ры утвержде́ніе, наде́жды подкрѣпле́ніе, во бране́хъ побѣ́да и во всѣ́хъ добродѣ́телехъ преспѣ́яніе, и всѣ̂мъ предъ̑ си́мъ зна́меніемъ тебѣ̀ кла́няющымся и мѡльбы̀ принося́щымъ млс̑тивенъ послу́шатель, и всѣ́хъ я̀же ко спасе́нію проше́ній бога́тый пода́тель бу́ди.
И я́коже крс̑то́мъ мі́ръ ѿ грѣхо́внагѡ ѡсужде́нія свободи́лъ єсѝ, си́це и рабы̀ твоя̂, сіѐ крс̑тное зна́меніе вѣ́рнѡ соверши́вшыя и здѣ̀ любвѐ ра́ди я̀же къ мє́ртвымъ и усо́пшымъ здѣ̀ лежа́щымъ, воздви́гшыя, си́лою крс̑та̀ возлю́бленнагѡ сн҃а твоегѡ̀, всегда̀ побѣди́тєли бы́ти грѣха̀ явѝ, и вся̂ земна̂я и небє́сная твоя̂ бл҃га̂я и́мъ да́руй, и крс̑то́мъ всегда̀ къ бл҃го́му всѣ́хъ вѣ́рныхъ наставля́я, къ воспрія́тію небе́снагѡ вѣнца̀ приведѝ.
Ты́ бо єсѝ ѡсщ҃е́нія исто́чникъ, и всѣ́хъ бл҃ги́хъ бога́тый пода́тель, и тебѣ̀ сла́ву возсыла́емъ, ѻц҃у̀, и сн҃у, и ст҃о́му дх҃у, ны́нѣ и при́снѡ, и во вѣ́ки вѣкѡ́въ.

Кропя̀ три́жды сщ҃е́нною водо́ю крс̑тъ, глаго́летъ три́жды:

Ѡсщ҃а́ется крс̑тное сіѐ зна́меніе бл҃года́тію прест҃а́гѡ дх҃а, ѡкропле́ніемъ воды̀ сея̀ сщ҃е́нныя, во и́мя ѻц҃а̀, и сн҃а, и ст҃а́гѡ дх҃а, ами́нь.

И а́біе твори́тъ ѿпу́стъ:

И́же на дре́вѣ крс̑тнѣмъ спасе́нія на́шегѡ ра́ди распны́йся и сме́рть подъ̑я́ти изво́ливый, и тридне́внѡ изъ̑ ме́ртвыхъ воскрс̑ы́й, хрс̑то́съ и́стинный бг҃ъ на́шъ:

Глава 39. Чи́н благослове́ния и освяще́ния новосооруже́ннаго Креста́

Поста́влену бы́вшу столу́ че́стно покрове́нну пред святы́ми враты́, иере́й в епитрахи́ль и фело́нь оде́ян, исхо́дит, и крестообра́зно покади́в но́вый кре́ст, начина́ет обы́чно: Б лагослове́н Бо́г на́ш: Ли́к пое́т: Ц арю́ небе́сный. Чте́ц: Трисвято́е. О́ тче на́ш: и по я́ ко твое́ е́сть Ца́рство: Г о́споди поми́луй, 12. Сла́ва, и ны́не: П рииди́те, поклони́мся: три́жды.

П омяни́ Го́споди Дави́да, и всю́ кро́тость его́. Я́ко кля́тся Го́сподеви, обеща́ся Бо́гу Иа́ковлю: А́ще вни́ду в селе́ние до́му моего́, или́ взы́ду на о́др посте́ли моея́: А́ще да́м со́н очи́ма мои́ма, и ве́ждома мои́ма дрема́ние, и поко́й скраниа́ма мои́ма: До́ндеже обря́щу ме́сто Го́сподеви, селе́ние Бо́гу Иа́ковлю. Се́ слы́шахом я́ во евфра́фе, обрето́хом я́ в поля́х дубра́вы. Вни́дем в селе́ния его́, поклони́мся на ме́сто, иде́же стоя́сте но́зе его́. Воскресни́ Го́споди в поко́й тво́й, ты́ и киво́т святы́ни твоея́. Свяще́нницы твои́ облеку́тся пра́вдою, и преподо́бнии твои́ возра́дуются. Дави́да ра́ди раба́ твоего́, не отврати́ лице́ пома́заннаго твоего́. Кля́тся Госпо́дь Дави́ду и́стиною, и не отве́ржется ея́: от плода́ чре́ва твоего́ посажду́ на Престо́ле твое́м. А́ще сохраня́т сы́нове твои́ заве́т мо́й, и свиде́ния моя́ сия́, и́мже научу́ я́, и сы́нове и́х до ве́ка ся́дут на Престо́ле твое́м. Я́ко избра́ Госпо́дь сио́на, изво́ли и́ в жили́ще себе́. Се́й поко́й мо́й во ве́к ве́ка, зде́ вселю́ся, я́ко изво́лих и́. Лови́тву его́ благословля́яй благословлю́, ни́щыя его́ насыщу́ хле́бы, Свяще́нники его́ облеку́ во спасе́ние, и преподо́бнии его́ ра́достию возра́дуются. Та́мо возращу́ ро́г Дави́дови, угото́вах свети́льник пома́занному моему́. Враги́ его́ облеку́ студо́м, на не́мже процвете́т святы́ня моя́.

Та́же, псало́м 59:

Б о́же, отри́нул ны́ еси́, и низложи́л еси́ на́с: разгне́вался еси́, и уще́дрил еси́ на́с. Стря́сл еси́ зе́млю, и смути́л еси́ ю́: исцели́ сокруше́ние ея́, я́ко подви́жеся. Показа́л еси́ лю́дем твои́м жесто́кая, напои́л еси́ на́с вино́м умиле́ния. Да́л еси́ боя́щымся тебе́ зна́мение, е́же убежа́ти от лица́ лу́ка. Я́ко да изба́вятся возлю́бленнии твои́, спаси́ десни́цею твое́ю, и услы́ши мя́. Бо́г возглаго́ла во святе́м свое́м: возра́дуюся, и разделю́ сики́му, и юдо́ль жили́щ разме́рю. Мо́й е́сть галаа́д, и мо́й е́сть манасси́й, и ефре́м кре́пость. главы́ моея́, иу́да ца́рь мо́й. Моа́в коно́б упова́ния моего́: на идуме́ю простру́ сапо́г мо́й, мне́ иноплеме́нницы покори́шася. Кто́ введе́т мя́ во гра́д огражде́ния? или́ кто́ наста́вит мя́ до идуме́и? Не ты́ ли Бо́же отри́нувый на́с? и не изы́деши Бо́же в си́лах на́ших? Да́ждь на́м по́мощь от ско́рби, и су́етно спасе́ние челове́ческо. О Бо́зе сотвори́м си́лу, и то́й уничижи́т стужа́ющыя на́м.

Читать еще:  Молитва матери об сыне алкоголике

Та́же, псало́м 98:

Г оспо́дь воцари́ся, да гне́ваются лю́дие: седя́й на херуви́мех, да подви́жится земля́. Госпо́дь в сио́не вели́к, и высо́к е́сть над все́ми людьми́. Да испове́дятся и́мени твоему́ вели́кому: я́ко стра́шно и свя́то е́сть. И че́сть царе́ва су́д лю́бит: ты́ угото́вал еси́ правоты́, су́д и пра́вду во Иа́кове ты́ сотвори́л еси́. Возноси́те Го́спода Бо́га на́шего, и покланя́йтеся подно́жию но́гу его́, я́ко свя́то е́сть. Моисе́й и ааро́н во иере́ех его́, и саму́ил в призыва́ющих и́мя его́: призыва́ху Го́спода, и то́й послу́шаше и́х. В столпе́ о́блачне глаго́лаше к ни́м: я́ко храня́ху свиде́ния его́ и повеле́ния его́, я́же даде́ и́м. Го́споди Бо́же на́ш, ты́ послу́шал еси́ и́х: Бо́же, ты́ ми́лостив быва́л еси́ и́м, и мща́я на вся́ начина́ния и́х. Возноси́те Го́спода Бо́га на́шего, и покланя́йтеся в горе́ святе́й его́: я́ко свя́т Госпо́дь Бо́г на́ш.

Сла́ва, и ны́не: Аллилу́иа, три́жды.

Г о́споди поми́луй, три́жды.

И тропа́рь, гла́с 1:

С паси́ Го́споди лю́ди твоя́, и благослови́ достоя́ние твое́, побе́ды благове́рному импера́тору на́шему никола́ю алекса́ндровичу на сопроти́вныя да́руя, и твое́ сохраня́я кресто́м твои́м жи́тельство. Три́жды.

Сла́ва, конда́к, гла́с 4:

В ознесы́йся на кре́ст во́лею, тезоимени́тому твоему́ но́вому жи́тельству, щедро́ты твоя́ да́руй Христе́ Бо́же: возвесели́ си́лою твое́ю благове́рнаго импера́тора на́шего никола́я алекса́ндровича, побе́ды дая́ ему́ на сопоста́ты, посо́бие иму́щу твое́ ору́жие ми́ра, непобеди́мую побе́ду.

И ны́не, гла́с то́йже:

Ж ивотворя́щий кре́ст твоея́ бла́гости, его́же дарова́л еси́ на́м недосто́йным, Го́споди, тебе́ прино́сим в моли́тву, спаси́ царя́ и ве́рныя лю́ди Богоро́дицы ра́ди, о на́с тебе́ моля́щыяся, еди́не человеколю́бче.

А́бие же посе́м пою́т три́жды тропа́рь се́й, гла́с 6:

П осли́ благода́ть твою́ жизнода́вче, и кре́ст се́й освяти́, и все́м лю́дем твои́м яви́ его́ бы́ти по́мощь и утвержде́ние:

Диа́кон: Г о́споду помо́лимся.

Ли́к: Г о́споди поми́луй.

Иере́й чте́т моли́тву сию́:

Г о́споди Бо́же сла́вы, о́тче вседержи́телю, Бо́же савао́ф, и́же дре́вом живота́ посреде́ рая́ су́щаго, прообрази́л еси́ животво́рный кре́ст единоро́днаго Сы́на твоего́: и вме́сто дре́ва преслуша́ния, его́же вку́сом вселука́вый зми́й пра́отцы на́шя, и с ни́ми ве́сь ро́д челове́ческий из рая́ изгна́, и в сме́рть привлече́, зна́мение о́наго живоно́снаго креста́, на не́мже возлю́бленный тво́й Сы́н пригвожде́н бы́в у́мре, и сме́ртию сме́рть умертви́, и всю́ си́лу диа́волю упраздни́, и живо́т ми́ру дарова́, це́ркви свое́й ору́жие непобеди́мое, освяще́ние же и покро́в держа́вен, и ве́ре утвержде́ние, и от все́х диа́вольских ко́зней изба́ву, и кре́пкое спасе́ния упова́ние, и живота́ получе́ния непосты́дную наде́жду дарова́л еси́. Те́мже мы́ раби́ твои́, толи́кия благода́ти твоея́ ту́не сподо́бльшеся, благода́рни су́ще, сла́ву и благодаре́ние и смире́нное поклоне́ние прино́сим твоему́ вели́честву, и мо́лимся уми́льно, я́ко да ми́лостивно при́зриши на зна́мение сие́ кре́стное, е́же ве́рнии раби́ твои́ от усе́рдия и тве́рдыя ве́ры и любве́, я́же к тебе́, сооружи́ша, в зна́мение побе́ды Сы́на твоего́, Го́спода на́шего Иису́са Христа́, свобо́ды же и избавле́ния на́шего: и низпосли́ на не́ небе́сное твое́ благослове́ние, и благослови́ и освяти́ е́, и испо́лни си́лы и благослове́ния о́наго дре́ва, на не́мже пригвожде́но бы́сть пресвято́е те́ло Го́спода на́шего Иису́са Христа́ единоро́днаго Сы́на твоего́, и́мже си́ла диа́воля попра́ся, и земни́и свобо́ду улучи́хом, и живота́ сподо́бихомся. Е́й, мо́лим тя́ Влады́ко пресвяты́й, святы́х ра́ди страсте́й, и святы́я кро́ве излия́ния, и животво́рныя сме́рти единоро́днаго Сы́на твоего́, Го́спода на́шего Иису́са Христа́, ю́же сове́том тебе́ Бо́га отца́ безнача́льнаго, и Пресвята́го твоего́ ду́ха во́лею, спасе́ния на́шего ра́ди на дре́ве кре́стном претерпе́, и те́ми дре́во кре́стное, е́же иногда́ согреша́ющым и злотво́рным ка́знь бя́ше, благослове́но, свя́то, животода́тельно же, и изба́ву согреша́ющым бы́ти сотвори́, е́же в мольбу́ ти́ прино́сим: посли́ ны́не благода́ть Пресвята́го твоего́ ду́ха, на зна́мение сие́ кре́стное, и благослови́ и освяти́ е́, и да́ждь ему́ бы́ти зна́мением стра́шным и кре́пким на вся́ враги́ ви́димыя и неви́димыя, прогна́ние же и отраже́ние все́х ко́зней, наве́тов же и прило́гов диа́вольских: лю́дем же твои́м да бу́дет покро́в держа́вен, ве́ре утвержде́ние, наде́жде подкрепле́ние, во бране́х побе́да, и во все́х доброде́телех преспе́яние, и все́м пред си́м зна́мением тебе́ кла́няющымся и мольбы́ принося́щым ми́лостивен послу́шатель, и все́х я́же ко спасе́нию проше́ний бога́тый пода́тель бу́ди. И я́коже кресто́м ми́р от грехо́внаго осужде́ния свободи́л еси́: си́це рабо́в твои́х, сие́ кре́стное зна́мение тебе́ от души́ ве́рно принося́щих, си́лою креста́ возлю́бленнаго Сы́на твоего́, всегда́ победи́тели бы́ти греха́ яви́, и вся́ земна́я и небе́сная твоя́ блага́я и́м да́руй, и кресто́м всегда́ к благо́му все́х ве́рных наставля́я, к восприя́тию небе́снаго венца́ приведи́. Т ы́ бо еси́ освяще́ния исто́чник, и все́х благи́х бога́тый пода́тель, и тебе́ сла́ву возсыла́ем, со единоро́дным твои́м Сы́ном, и с пресвяты́м, и благи́м, и животворя́щим твои́м ду́хом, ны́не и при́сно, и во ве́ки веко́в.

Иере́й: М и́р все́м.

Ли́к: И ду́хови твоему́.

Диа́кон: Г лавы́ ва́шя Го́сподеви приклони́те.

Ли́к: Т ебе́ Го́споди.

Иере́й же чте́т та́йно моли́тву сию́:

Б о́же и о́тче Го́спода на́шего Иису́са Христа́, и́же кресто́м его́ диа́вола победи́в и сме́рть умертви́в, ро́д челове́ческий от ле́сти и мучи́тельства его́ свободи́л еси́: при́зри ны́не на моли́тву на́шу и на зна́мение сие́ кре́стное, в сла́ву тебе́ Бо́га отца́ и единосу́щнаго твоего́ Сы́на и соесте́ственнаго твоего́ ду́ха, и в воспомина́ние о́ныя бы́вшия пресла́вныя над диа́волом, сме́рти же и а́да побе́ды, и на́шего избавле́ния сооруже́нное, ду́хом твои́м святы́м, в окропле́нии воды́ сея́ свяще́нныя благослови́ и освяти́. И изле́й на не́ благослове́ние твое́ свято́е и си́лу, ю́же окропле́нием кро́ве и пригвожде́нием те́ла возлю́бленнаго Сы́на твоего́ о́но преблагослове́нное дре́во стяжа́ло е́сть: и тому́ пода́ждь, во е́же бы́ти ве́рным лю́дем твои́м в сте́ну и покро́в, и в сто́лп кре́пости от лица́ вра́жия, во отгна́ние же вся́каго зла́ сопроти́внаго, и во исцеле́ние душе́вных, и теле́сных неду́гов, и во е́же услы́шанным бы́ти мольба́м и моле́ниям все́х ве́рно пред си́м зна́мением моля́щих ти ся.

Читать еще:  Молитва как жанр в лирике лермонтова я матерь божия

И возглаша́ет: Т ы́ бо еси́ Бо́г ми́лости, и щедро́т, и человеколю́бия, и тебе́ сла́ву возсыла́ем, со единоро́дным твои́м Сы́ном, и с пресвяты́м, благи́м, и животворя́щим твои́м ду́хом, ны́не и при́сно, и во ве́ки веко́в.

Иере́й же кропи́т свяще́нною водо́ю, глаго́ля:

О свяща́ется кре́стное сие́ зна́мение благода́тию Пресвята́го Ду́ха, окропле́нием воды́ сея́ свяще́нныя, во и́мя отца́, и Сы́на, и Свята́го Ду́ха, ами́нь. Три́жды.

И а́бие посе́м ста́в благогове́йно пред святы́м кре́стным зна́мением, кади́льницу же взе́м кади́т е́ крестообра́зно, поя́ сия́ стихи́ры, гла́с 8:

К ре́ст храни́тель все́й вселе́нней, кре́ст красота́ церко́вная: кре́ст царе́м держа́ва: кре́ст ве́рным утвержде́ние: кре́ст а́нгелом сла́ва, и бесо́м я́зва.

Сла́ва, и ны́не, гла́с 4: О тебе́, треблаже́нне и жизнода́вче кре́сте, лю́дие пита́еми спра́зднуют: с безпло́тными ли́ки, чи́н архиере́йский благогове́йно пое́т: мно́жество же и́ночествующих и по́стников покланя́ется, Христа́ же на тебе́ распе́ншагося вси́ прославля́ем.

Посе́м поя́ стихи́ру сию́ два́жды: К ресту́ твоему́ покланя́емся Влады́ко, и свято́е воскре́сние твое́ сла́вим.

Покланя́ется благогове́йно до земли́, и лобза́ет честны́й и свяще́нный кре́ст. По лобза́нии же па́ки, трети́цею поя́ то́жде, покланя́ется.

Та́кожде и вси́ предстоя́щии покланя́ются, и лобза́ют Честны́й Кре́ст:

Ли́ку пою́щу стихи́ру сию́, гла́с 2:

П рииди́те ве́рнии, креста́ си́ле поклони́мся: дре́во бо в раи́ сме́рть прозябе́, сие́ же жи́знь процвете́, безгре́шна иму́щее пригвожде́нна на себе́ Го́спода. от него́же вси́ язы́цы нетле́ние объе́млюще, зове́м: кресто́м сме́рть упраздни́вый, и на́с от пре́лести и мучи́тельства диа́воля свободи́вый, Го́споди сла́ва тебе́.

А́бие же посе́м твори́т отпу́ст, ре́кшу диа́кону:

И ли́ку: Ч естне́йшую херуви́м. Сла́ва, и ны́не: Г о́споди поми́луй, три́жды. Благослови́.

Иере́й: И́ же на дре́ве кре́стном спасе́ния на́шего ра́ди распны́йся, и сме́рть подъя́ти изво́ливый, и тридне́вно из ме́ртвых воскресы́й: Христо́с и́стинный Бо́г на́ш, моли́твами пречи́стыя своея́ ма́тере, си́лою Честна́го и Животворя́щаго Креста́, и все́х ра́ди святы́х свои́х, поми́лует и спасе́т на́с, я́ко бла́г и человеколю́бец.

Иере́й же, взе́м кре́ст, вно́сит его́ в олта́рь Ца́рскими враты́, и обра́щься к лю́дем, благословля́ет и́х кресто́м, глаго́ля:

С паси́ Го́споди лю́ди твоя́, и благослови́ достоя́ние твое́:

И поставля́ет кре́ст на Престо́ле, и отхо́дит благодаря́ Бо́га.

Источник: Тексты приводятся по изданию: Тре́бник. В дву́х частя́х. — Москва́. Синода́льная типогра́фия. 1906.

Поделиться ссылкой на выделенное

Нажмите правой клавишей мыши и выберите «Копировать ссылку»

Требник

Требник состоит из четырёх томов. В первом томе Требника содержатся наиболее часто используемые чинопоследования. В частности, здесь можно найти порядок совершения крещения, венчания, елеосвящения, молебны о болящих, путешествующих и многое другое.

Во втором томе Требника собраны все последования о усопших.Чин Панихиды представлен в соответствии с указаниями Типикона. Также приведены чинопоследования отпевания младенцев, мирян, монахов, священников.

СОДЕРЖАНИЕ

Том I

  • Молитвы в первый день, по внегда родити жене отроча.
  • Молитва, во еже назнаменати отроча, приемлющее имя во осмый день рождения своего.
  • Молитвы жене родильнице по четыредесяти днех.
  • Молитва жене, егда извержет младенца.
  • Молитва, во еже сотворити оглашенного.
  • Последование святаго Крещения.
  • Измовение во осмый день.
  • Молитва святых крещений вкратце, како младенца крестити, страха ради смертнаго.
  • Восполнение от иерея чина святаго Крещения, аще совершено было оное мирянином.
  • Последование о исповедании.
  • Молитва над разрешаемым от запрещения.
  • Последование, бываемое о обручении.
  • Последование венчания.
  • Молитва на разрешение венцев во осмый день.
  • Последование о двобрачном.
  • Последование малого освящения воды.
  • Поседование общего молебна.
  • Прокимны.
  • Апостолы и Евангелия.
  • Молебное пение о призывании помощи Святаго Духа пред началом всякого доброго дела.
  • Благодарение о получении прошения и о всяком благодеянии Божием.
  • Молебное пение о недужных многих, или о едином.
  • Последование святаго елея, певаемое от седьми священников, собравшихся в церкви или в дому.
  • Чин, егда случится вскоре вельми больному дати Причастие.
  • Канон молебный ко Господу нашему Иисусу Христу и Пречистой Богородице, Матери Господни, при разлучении души от тела всякого правоверного.
  • Чин, бываемый на разлучение души от тела, внегда человек долго страждет.
  • Чин литии, бываемыя во днех седмицы о усопших.
  • Чин благословения в путьшествие.
  • Чин благословения в воздушное путьшествие.
  • Чин благословения хотящим по водам плыти.
  • Чин освящения колесницы.
  • Молитва на освящение всякой вещи.
  • Чин благословения нового дома.

Том II

  • Чин литии, бываемыя во днех седмицы о усопших.
  • Чин над кутиею в память усопших, на Литургии.
  • Чин над кутиею в память усопших, вечера.
  • Последование панихиды.
  • Чин погребения младенческого.
  • Последование мертвенное мирских тел.
  • Последование мертвенное над скончавшимся священником.
  • Последование исходное монахов.
  • Последование отпевания усопших в Пасхальную седмицу.
  • Чин благословения и освящения надгробного креста.
  • Чин благословения и освящения места, идеже погребатися будут телеса скончавшихся христиан, сиесть гробия (кладбища).
Читать еще:  Молитва от сделанной порчи на смерть

Том III

  • Молебное пение в новолетие.
  • Молебное пение при начатии учения отроков.
  • Молитва, егда приходит отроча учитися Священным Писанием.
  • Последование о неудобь учащихся.
  • Молебное пение в дни праздников гражданских.
  • Молебен на святую Пасху.
  • Молитва о живых.
  • Молитва молебная на всякую литию.
  • Служба на всякое прошение.
  • Служба о умножении любве и искоренении ненависти и всякия злобы.
  • Молива умиревающая во вражде сущих.
  • Молитва о сущих в запрещениях и себе клятвою связующих.
  • Молитва на брань блуда.
  • Молитва на студные помыслы.
  • Молитва бываемая прежде еже уснути, и о искушающемся во сне.
  • Молитва о дерзостно клянущихся.
  • Молитва о скверно ядших.
  • Служба о в темницах и в заточении сущих, многих или едином.
  • Канон молебный ко Пресвятой Богородице, во всякой скорби душевной и обстоянии.
  • Благословение супруг, чад неимущих.
  • Последование молебна жене пред порождением.
  • Последование молебна за болящего.
  • Молитва святых седми отроков на немощнаго и не спящего.
  • Молитва на всякую немощь.
  • Последование молебна больному пред хирургическим действием.
  • Последование молебна о немощных, обуреваемых от духов нечистых и стужаемых.
  • Последование молебна ко отгнанию чародеяний и волшебных обаваний от человека.
  • Последование молебного пения, певаемого во время бездождия.
  • Последование молебного пения ко Господу Богу нашему Иисусу Христу, певаемого во время безведрия, егда дождь многий безгодно идет.
  • Молебное пение во время губительного поветрия и смертоносныя заразы.
  • Чин молитвенный во время губительного мора скотов.
  • Чин, бываемый, аще случится чесому скверному якову-любо впасти в кладязь водный.
  • Чин, бываемый, аще случится чесому скверному или нечистому ново впасти в сосуд вина, или елея, или меда, или иного чесого.
  • Молитва над сосудом оскверншимся.
  • Молитва над пшеницею оскверншеюся, или мукою, или видом неким.
  • Чин благословения пчел.
  • Благословение роев пчельных, во улия нова всажденных.
  • Молитва на благословение нового меда.
  • Молитва в насаждение винограда.
  • Молитва на обымание винограда.
  • Молитва на благословение вина.
  • Чин, бываемый на нивах, или винограде, или вертограде, аще случится вредитися от гадов или иных видов.
  • Молитва хотящему отити в путь.
  • Последование молебного пения ко Господу Богу, певаемого во время брани против супостатов, находящих на ны.
  • Последование в сыноположение.
  • Молитва на Рождество Христово, сыном духовным.
  • Молитва в начале поста Святыя Четыредесятницы.
  • Последование в неделю Православия.
  • Молитва на благословение ваий.
  • Молитва на благословение артоса во святую неделю Пасхи.
  • Молитва на раздробление артоса в субботу Светлыя седмицы.
  • Молитва во еже благословити брашна мяса во святую и великую неделю Пасхи.
  • Молитва еже благословити сыр и яица.
  • Молитва в причащении гроздия в 6-й день августа.
  • Молитва о приносящих начатки овощей.

Том IV

  • Последование великого освящения воды святых Богоявлений.
  • Чин малого освящения воды вкратце.
  • Ин чин малого освящения воды вкратце.
  • Чин бываемый при основании церкви и водружении креста.
  • Чин молитвенный на поставление креста на верх крова новосозданныя церкви.
  • Указ о храмех, когда святити или не святити.
  • Служба на обновление храма.
  • Чин освящения храма, от архиерея творимого.
  • Последование малого освящения храма.
  • Последование освящения часовни.
  • Чин благословения и освящения иконостаса.
  • Чин благословения индитий, или одежд и покрывал Божественныя Трапезы и Жертвенника.
  • Чин благословения или освящения новых священнических одежд, сиесть: стихаря, епитрахиля, пояса, поручей и фелони.
  • Чин благословения илитона.
  • Молитва еже благословити новыя покровцы, к покровению Святых Таин служащие.
  • Чин благословения нового кивота или сосуда, в немже хранимы быти имут Божественные Христовы Тайны.
  • Чин благословения нового кивота, или иного коего сосуда, или коего-либо хранилища, крестообразно или инако к хранению мощей святых сооруженного.
  • Чин благословения и освящения сосудов служебных, сиесть: дискоса, чаши, звездицы и лжицы, с тремя их покровцы предложенных вкупе.
  • Молитва над единым сосудом служебным.
  • Чин благословения новых сосудов церковных, вкупе многих или единого, яковы суть: кадильница, кация, блюдо анафорное, копие, кукумы, сиесть водоносные сосудцы, и иные алтарные принадлежности.
  • Чин благословения кампана, сиесть колокола или звона.
  • Чин благословения и освящения иконы Пресвятыя Живоначальныя Троицы, во образе триех ангелов, или Крещения, или Преображения, или Сошествия Святаго Духа.
  • Чин благословения и освящения иконы Христовы, праздников Господских, единыя или многих.
  • Чин благословения и освящения иконы Пресвятыя Богородицы, единыя или многих.
  • Чин благословения иконы святаго, единаго или многих.
  • Чин благословения и освящения разноличных икон, предложенных вкупе.
  • Благословение креста к нощению на персех.
  • Чин благословения колива.
  • Молитва на основание дому.
  • Последование над пещию.
  • Молитва на благословение чертога.
  • Молитва о храмине, стужаемой от злых духов.
  • Молитва еже освятити какое-либо благовонное зелие.
  • Чин благословения свещ на Сретение Господне.
  • Молитва на благословение свещ церковных.
  • Чин молитвенный на копание кладезя и обретение воды.
  • Чин благословения нового кладезя.
  • Чин благословити новый корабль или лодию.
  • Чин благословения водного судна ратного, на сопротивныя отпущаемого, единаго или многих, и благословения воином, в них плыти хотящим.
  • Чин освящения воинского знамения, еже есть хоругви, и воем благословения на брань.
  • Чин благословения воинских оружий.
  • Молитва о еже благословити мрежи.
  • Молитва над сеянием.
  • Молитва во еже благословити стадо.
  • Молитва над гумном
  • Молитва над солию.

Источники:

http://dic.feb-web.ru/slavonic/corpus/1/trebnik/nadgrkr.htm
http://azbyka.ru/otechnik/Pravoslavnoe_Bogosluzhenie/trebnik-grazhdanskim-shriftom/73
http://pravoslavie.ru/62608.html

Ссылка на основную публикацию
Статьи на тему:

Adblock
detector