Молитва 1 я святого василия великого

Молитва 1 я святого василия великого

Молитва святого Василия Великого, 1-я

Владыко Господи Иисусе Христе, Боже наш, Источниче жизни и безсмертия, всея твари видимыя и невидимыя Создателю, безначальннго Отца соприсносущный Сыне и собезначальный, премногия ради благости в последния дни в плоть оболкийся, и распныйся, и погребыйся за ны благодарныя и злонравныя, и Твоею Кровию обновивый растлевшее грехом естество наше; Сам Безсмертный Царю, приими мое грешнаго покаяние, и приклони ухо Твое мне, и услыши глаголы моя. Согреших бо, Господи, согреших на небо и пред Тобою, и несмь достоин воззрети на высоту славы Твоея; прогневах бо Твою благость, Твои заповеди преступив, и не послушав Твоих повелений. Но Ты, Господи, незлобив сый, долготерпелив же и многомилостив, не предал еси мя погибнути со беззаконьми моими, моего всячески ожидая обращения. Ты бо рекл еси, Человеколюбче, пророком Твоим: яко хотением не хощу смерти грешника, но еже обратитися и живу быти ему. Не хощеши бо, Владыко, создания Твоею руку погубити, ниже благоволиши о погибели человечестей, но хощеши всем спастися, и в разум истины приити. Темже и аз, аще и недостоин есмь небесе и земли, и сея привременныя жизни, всего себе повинув греху, и сластем поработив, и Твой осквернив образ; но творение и создание Твое быв, не отчаяваю своего спасения окаянный, на Твое же безмерное благоутробие дерзая, прихожду. Прими убо и мене, Человеколюбче Господи, якоже блудницу, яко разбойника, яко мытаря и яко блуднаго, и возми мое тяжкое бремя грехов, грех вземляй мира, и немощи человеческия исцеляяй, труждающияся и обремененныя к Себе призываяй и упокоеваяй, непришедый призвати праведныя, но грешныя на покаяние. И очисти мя от всякия скверны плоти и духа, и научи мя совершати святыню во страсе Твоем: яко да чистым сведением совести моея. Святынь Твоих часть приемля, соединюся Святому Телу Твоему и Крови, и имею Тебе во мне живуща и пребывающа, со Отцем и Святым Твоим Духом. Ей, Господи Иисусе Христе, Боже мой, и да не в суд ми будет причастие пречистых и животворящих Тайн Твоих, ниже да немощен буду душею же и телом, от еже недостойнее тем причащатися; но даждь ми, даже до конечного моего издыхания, неосужденно восприимати часть Святынь Твоих, в Духа Святаго общение, в напутие живота вечнаго, и во благоприятен ответ на Страшнем Судищи Твоем; яко да и аз со всеми избранными Твоими общник буду нетленных Твоих благ, яже уготовал еси любящим Тя, Господи, в нихже препрославлен еси во веки. Аминь.

Соприсносущный – также вечный (присносущный – вечно существующий). Собезначальный – также не имеющий начала (вечный) и начальства (всевластный). В плоть облкийся – воплотившийся (облекшийся в плоть). (Далее следуют также причастные формы глаголов: распныйся – предавший Себя распятию, погребыйся – предавший Себя погребению). За ны – за нас. Глаголы моя – слова мои. Ты бо рекл еси… пророком Твоим – ибо Ты сказал через пророка Твоего. В разум истины приити – достичь познания истины. Темже и аз – поэтому и я. Аще и недостоин есмь – хотя я и недостоин. Сея привременныя жизни – этой кратковременной жизни. Сластем – чувственным наслаждениям. Благоутробие – милосердие. Яко блуднаго – то есть как блудного сына; Грех вземляй мира – берещий на Себя грехи мира (далее снова ряд причастий: исцеляй – исцеляющий, призываяй – призывающий, упокоеваяй – дающий покой). Совершати святыню – проявлять полную, совершенную святость, делаться вполне святым. Яко да чистым сведением совести моей – чтобы я с чистым свидетельством совести моей (сведение – свидетельство, буквально – со-ведение; само слово совесть состоит из тех же частей: со-весть, совместное с Богом знание, голос Бога в душе). От еже недостойне тем причащатися – от недостойного причащения их. До конечнаго моего издыхания – до последнего моего вздоха (буквально: последнего выдоха). Восприимати часть – причащаться. В напутие живота вечнаго – в напутствие в жизнь вечную. Общник – участник, тот, кто имеет общую часть. Нетленных – здесь: чистых, беспримесных, пребывающих в полном своем составе… Яже уготовал еси – которые Ты уготовал. В нихже – в которых.

+ Часть этой молитвы совпадает с тайной молитвой священника на Литургии святого Василия Великого, читаемой во время просительной ектении, перед молитвой Господней.

В молитвах ко Причащению особенно часто напоминаются слова и эпизоды Священного Писания – прежде всего Евангелия, и это понятно: именно в Таинстве Причащения Бог наиболее явно входит в нашу жизнь, но постоянно должен быть открыт и другой путь для Его вхождения в нас: через слово Его, которое живо и действенно (Евр. 4, 12), которое должно постоянно действовать в нас и восприниматься как к нам лично обращенное, как нечто важнейшее для всей нашей жизни. Поэтому очень важно не «проскакивать» эпизоды Священного Писания в молитвах, а обновлять их в памяти, в сердце своем.

Ты бо рекл еси, Человеколюбче, пророком Твоим: Яко хотением не хощу смерти грешника, но еже обратитися и живу быти ему. –Скажи им: живу Я, говорит Господь Бог: не хочу смерти грешника, но чтобы грешник обратился от пути своего и жив был. Обратитесь, обратитесь от злых путей ваших; для чего умирать вам, дом Израелев? (Иез. 33, 11).

Не хощеши бо, Владыко, создания Твоего руку погубити, ниже благоволиши о погибели человечестей, но хощеши всем спастися, и в разум истины приити. Здесь приведены слова Послания апостола Павла, где сказано, что Господь хочет, чтобы все люди спаслись и достигли познания истины (в Славянской библии: Иже всем человеком хощет спастися, и в разум истины приити) (Тим. 2, 4).

Приме убо и мне, Человеколюбче Господи, якоже блудницу, яко разбойника, яко мытаря и яко блуднаго. Эта и последующие молитвы обращают нас к образу жены-грешницы, которая помазала ноги Иисуса миром (Лк. 7, 36-47), благоразумного разбойника, воззвавшего на кресте: Помяни меня, Господи, когда приидешь в Царствие Твое! (Лк. 23, 42), блудного сына (Лк. 15, 11-32); образ мытаря, скорее всего, собирательный: мы можем вспомнить при этом и апостола, евангелиста – мытаря Левия-Матфея, который, оставив все, пошел за Господом и удостоился принять Его в своем доме (Лк. 5, 27-32), и раскаявшегося начальника мытарей Закхея, который также удостоился посещения Христа (Лк. 19, 2-10) и смиренного мытаря Христовой притчи, который пошел в свой дом более оправданным, нежели фарисей (Лк. 18, 10-14), и, наконец, многочисленных мытарей и грешников, которые неоднократно делили трапезу с Христом и его учениками и следовали за Ним (Мф. 9, 11; 11, 19; Мк. 2, 15; Лк. 5, 30; 7, 34; 15, 1).

Читать еще:  Молитва вере в бога

Грех вземляй мира, и немощи человеческия исцеляяй, труждающияся и обремененныя к Себе призываяй и упокоеваяй, не пришедый призвати праведныя, но грешныя на покаяние. Напомним места Евангелия, откуда взяты эти слова: Вот Агней Божий, Который берет на Себя грех мира (Ин. 1, 29). Придите ко Мне все труждающиеся и обремененные, и Я успокою вас (Мф. 11, 28). Я пришел призвать не праведников, но грешников к покаянию (Мф. 9, 13; Мк. 2, 17; Лк. 5, 32).

Молитвы Василию Великому

Православная культура славится множеством благочестивых приверженцев, которые становятся впоследствии святыми, защищая и оберега мирян. Одним из таких святых стал Василий Великий. Этот святой являлся покровителем при крещении Руси Владимиром. Молитвы Святому Василию Великому способна избавить от болезней, изгнать бесов и помощь в новых начинаниях.

Житие Василия Великого

Василий жил в большой и дружной семье. Из десяти детей пять выбрали духовный путь и были впоследствии причислены к лику святых. Сам Василий сразу после крещения отправился в Египет для изучения священных писаний. Еще некоторое время он путешествовал по святым местам, ведя исключительно монашеский образ жизни.

Основная деятельность Василия была посвящена людям. Будучи архиепископом Каппадокийским, он организовывал строительство больниц, активно занимался и пропагандировал благотворительность, а также всячески защищал невинных людей. Тяжелая монашеская жизнь не позволила архиепископу дожить до пятидесяти лет. Однако за свою недолгую жизнь, он достиг великих успехов в богослужении и философии, поэтому его и прозвали Василий Великий. И с тех пор, молитва Святого Василия Великого является очень популярной, так как он милостив и добр к мирянам и по сей день.

О чем можно молиться святому Василию?

За свою жизнь Василий изучил множество самых разных трудов, включая темы точных наук. Поэтому святой является покровителей проповедников и учителей. Основные прошения мирян Василию Великому направлены на следующие проблемы:

  • Бесы в сознании человека;
  • Обретение душевного покоя;
  • Осознание веры к Всевышнему;
  • Просят у Василия Великого и защиты от недругов;
  • Избавления от болезней;
  • Для обретения жилья;
  • Для помощи в учебе.

Молитва Василию Великому об успехе в делах является очень сильной молитвой, помогающая всем, кто обратиться с искренней просьбой. Особое место в православной культуре занимают молитвы, направленные на борьбу с лукавым. Запретительная молитва Василия Великого обращена именно с просьбой об избавлении от лукавого и направление на путь истинный.

Молитва на изгнание бесов

Заклинаю тя, злоначальника хульнаго, начальника сопротивнаго востания, и самодетеля лукавства, заклинаю тя низверженнаго от горняго светоношения, и во тму глубины низведеннаго возношения ради. Заклинаю тя и всю низпадшую силу последовательную твоего произволения: заклинаю тя, душе нечистый, Богом Саваофом, и всем воинством ангел Божиих, Адонаи Елои Бога Вседержителя, изыди и разлучися от раба Божия (имя), заклинаю тя Богом Словом вся создавшим, и Господом нашим Иисусом Христом, Единородным Сыном Его, прежде век неизреченно и безстрастно от Него рожденным, видимую же и невидимую тварь соделавшим, по образу Своему человека создавшим, законом первее естественне сия детоводившим, и ангельским приставлением сохраншим: водою согрешение свыше потопившим, и поднебесныя бездны разустившим, и гиганты нечествовавшыя растлевшим, и столп скверных растрясшим, и землю содомов и гоморров огнем жупельным испепелившим, егоже свидетель дым неугасимый курится; жезлом море раздельшим, и люди ногами немокрыми проведшим, и мучителя фараона, и воинство богоборное, во веки волнами нечестия брань потопившим; в последняя дни от Девы Чистыя Воплотившимся неизреченно, и целы печати чистоты сохраншим, омыти крещением древнюю нашу скверну благоизволившим, еюже мы преступлением осквернихомся. Заклинаю тя Крестившимся во Иордане, и образ нам нетления в воде по благодати Подавшим; Егоже ангели и вся силы небесныя удивишася, воплощенна Бога Смирившагося зряще, егда Безначальный Отец, безначальное Рождество Сыновнее откры, и Святаго Духа схождение, Троическое Единство свидетельствова. Заклинаю тя Оным, ветру Запретившим, и бурю морскую Укротившим, полк демонский Отгнавшим, и зеницы очныя от утробы лишенныя брением слепыя прозрети Соделавшим, и древнее рода нашего создание Обновившим, и немыя еже глаголати Исправившим: струпы проказ Очистившим, и мертвыя от гробов Воскресившим, даже до погребения человеком Беседовавшим, и ад востанием Пленившим, и все человечество необъято смертью Устроившим. Заклинаю тя Богом Вседержителем, Богодухновенным гласом человеки Вдохнувшим, и апостолом Содействовавшим, и всю вселенную благочестия Исполнившим: убойся, бежи, бежи, разлучися демоне нечистый и скверный, преисподний, глубинный, льстивый, безобразный, видимый безстудия ради, невидимый лицемерия ради, идеже аще ecи, или отъидеши, или сам ecи Веельзевул, или сотрясаяй, или змеевидный, или звероличный, или яко пара, или яко птица, или нощеглагольник, или глухий, или немый, или от нашествия устрашаяй, или растерзаяй, или наветуяй, или во сне тяжце, или и недузе, или в язве, или в смесе скоктаяй, или слезы любосластныя творяй, или блудный, или злосмрадный, или похотный, или сластотворный, или отраволюбивый, или любонеистовый, или звездоволхвуяй, или домоволшебник, или безстудный, или любопрительный, или непостоянный, или с месяцем пременяяйся, или временем неким сообращаяйся, или утренний, или полуденный, или полунощный, или безгодия некоего, или блистания, или по случаю сретился еси, или от кого послан еси, или нашел еси внезапу, или в мори, или в реце, или от земли, или из кладязя, или от стремнины, или от рова, или от езера, или от трости, или от вещества, или от верху земли, или от скверны, или от луга, или от леса, или от древа, или от птиц, или от грома, или от покрова баннаго, или от купели водныя, или от гроба идольскаго, или отнюдуже вемы, или не вемы, или от знаемых, или от незнаемых, или от непосещаемаго места, отлучися и пременися, устыдися образа рукою Божиею созданнаго, и воображеннаго: убойся воплощеннаго Бога подобия, и не сокрыйся в рабе Божием (имя), но жезл железный, и пещь огненная, и тартар, и скрежет зубный, отмщение преслушания тебе ожидает. Убойся, умолкни, бежи, не возвратися, ни сокрыйся со инем лукавством нечистых духов: но отъиди в землю безводную, пустую, неделанную, на нейже человек не обитает: Бог Един призирает связаяй всех уязвляющих, и злосоветующих на образ Его, и веригами мрака, тартару предавый, в долгую нощь и день, тебе всех злых искусителя и изобретателя диавола. Яко велий есть отрок Божий, и велия слава Отца, и Сына, и Святаго Духа, ныне и присно, и во веки веком. Аминь.

Молитва об успехе в делах Василию Великому

О святителю великий Василий Великий! Ты многая и различная дарования от Господа приял вей, и яко раб благий и верный, вся данныя тебе таланты добре умножил еси: сего ради воистинну вселенский учитель был еси, яко всяк возраст и всяко звание от тебе получается. Се бо отроком послушания образ явился еси, юным – целомудрия светило, мужем – трудолюбия наставник, старым – незлобия учитель, иноком – воздержания правило, молящимся – вождь от Бога вдохновенный, мудрости имущим – ума просветигель, витиям доброглаголивым – слова живаго источник неисчерпаемый, благотворящим – милосердия звезда, начальствующим – правления правого образ, правды ревнителем – дерзновения вдохновитель, правды ради гонимым – терпения наставник: всем вся был еси, да всяко некия спасши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования в души твоей во едино совокупил еси, и туюжде любовь разделенная примиряющую, в толковании словес апостольских всем верным проповедал еси. Мы же грешнии, по единому кийждо свое дарование имуще, единения духа в союз мира не имамы, но бываем тщеславии, друг друга раздражающе, друг другу завидяще: сего ради дарования наша разделенная не в мир и спасение, но во вражду и осуждение нам преложишася. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием и исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.

Молитва об исцелении

О великий во иерарсех, вселенныя учителю богомудрый, преблаженне отче Василие! Велия подвиги и труды твоя, яже во славу Святыя Церкве совершил еси: ты исповедник твердый и светильник веры Христовы на земли был еси, светом Боговедения верныя озаряяй, ложная учения попаляяй и всему миру слово спасительныя истины возвещаяй. Ныне же, велие на Небесех имеяй дерзновение ко Святей Троице, помози нам, со смирением к тебе припадающим, твердо и неизменно святую Православную веру до конца жития нашего сохранити, от маловерия же, сомнений и колебания в вере соблюди, да не прельщени будем богопротивных и душепагубных учений словесами. Дух ревности святыя, еюже ты пламенел еси, о преславный Церкве Христовы пастырю, возгрей предстательством твоим и в нас, ихже Христос постави быти пастырями, да всеусердно просвещаем и утверждаем в правей вере словесное стадо Христово. Умоли Господа, да возвысится страна наша, и да дарует всему народу нашему здравие, долгоденствие и во всем благое поспешение. Испроси, о милосердый святителю, от Отца светов и всем, всякий дар коемуждо благопотребен: младенцем благое в страсе Божием возрастание, юным целомудрие, старым и немощным укрепление, скорбящим утешение, недугующим исцеление, заблуждшим вразумление и исправление, обидимым заступление, сиротам и вдовицам защищение, искушаемым благодатное поможение, отшедшим от сего временнаго жития отцем и братиям нашим блаженное упокоение. Ей, святче Божий, призри милостиво от обителей Горних на нас, смиренных, многими соблазнами и напастьми обуреваемых, и к земли приверженных возведи к высоте Небесней. Преподаждь нам, преблагий отче, твое архипастырское и святое благословение, да, оным осеняемии, в сие новое лето и во все прочее время живота нашего в мире, покаянии и послушании Святей Православней Церкви поживем, заповеди Христовы усердно творяще, подвигом добрым веры подвизающеся, и тако Царствия Небеснаго достигнем, идеже с тобою и всеми святыми сподоби Троицу Святую, Единосущную и Нераздельную пети и славити во веки веков. Аминь.

Молитва святому Василию от ночного осквернения

Многомилостиве, нетленне, нескверне, безгрешне Господи, очисти мя, непотребнаго раба Твоего, от всякия скверны плотския и душевныя, и от невнимания и уныния моего прибывшую ми нечистоту, со иными всеми беззаконии моими, и яви мя нескверна, Владыко, за благость Христа Твоего, и освяти мя нашествием Пресвятаго Твоего Духа: яко да возбнув от мглы нечистых привидений диавольских и всякия скверны, сподоблюся чистою совестию отверсти скверная моя и нечистая уста, и воспевати всесвятое имя Твое, Отца, и Сына, и Святаго Духа, ныне и присно, и во веки веков. Аминь.

Краткая молитва Василию Великому

О великий и пресвятый святителю, отче Василие! Призри от высот небесных на нас, раб Божиих (имена), и умоли Господа, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление и во всех нуждах, скорбех и искушениях скорое поможение, терпение же и укрепление. Подаждь нам твое святое благословение, да оным осеняемии во вся дни богоугодно в мире и покаянии поживем и во Царствии Небеснем сподобимся купно с тобою и со всеми святыми Живоначальную Троицу, Отца и Сына и Святаго Духа, воспевати и славити во веки веков. Аминь.

Молитва о заступлении и помощи

О великий и преславный святителю Христов, всея вселенския Церкве учителю богомудрый, Православия твердый исповедниче и поборниче, всеблаженне отче Василие! Призри от высот небесных на нас, смиренно к тебе припадающих, и умоли Господа Вседержителя, Егоже верный на земли служитель был еси, да дарует нам веры правыя твердое и неизменное сохранение, Церкви Святей послушание, жития нашего исправление, и во всех нуждах, скорбех и искушениих скорое поможение, терпение же и укрепление. Подаждь нам твое святое благословение, да оным осеняемии, сие новое лето и во вся дни богоугодно в мире и покаянии поживем и во Царствии Небеснем сподобимся купно с тобою и со всеми святыми Живоначальную Троицу воспевати и славити, Отца и Сына и Святаго Духа, во веки веков. Аминь.

Молитва от врагов и бед

О великий и пресвятый святителю отче Василие, преславный Вселенския Церкве учителю, славы Пресвятыя Троицы всеусердный поборниче, Матере Божия и Ея пренепорочнаго девства предызбранный исповедниче, пресветлый чистоты, смирения и терпения образе. Се аз многогрешный и недостойный на высоту небесную взирати, смиренно молю тя, о премудрый Церкве Христовы учителю, научи мя тако богобоязненно житие свое проводити, да никогда же на путь, Божиим повелением противен, уклонюся или совращен буду. Соблюди и избави мя твоим многомощным предстательством от соблазнов мира и козней диавольских, якоже избавил еси от них юношу, от Сладчайшаго Спасителя нашего отступивша и во власть сатаны впадша. Даруй мне силу душевную усердным быти подражателем добродетелей твоих высоких; соделай мя в вере правей тверда и непоколебима, укрепи мя малодушнаго в терпении и уповании на Господа, возгрей в сердце моем истинную Христову любовь, да небесных благ паче всех желаю и ими услаждаюся. Испроси мне у Господа искреннее о гресех сокрушение, да прочее время живота моего в мире, покаянии и исполнении заповедей Христовых провождати буду. Егда же час моего скончания приблизится, ты, о преблагий отче, с Преблагословенною Девою Мариею, тогда ускори на помощь, защити мя от злобных наветов вражиих, и сподоби мя наследника быти райских селений, да купно с тобою и со всеми святыми неприступнаго Божия величества Престолу предстану и Живоначальную, Единосущную же и Нераздельную Троицу прославляю и воспеваю, присно и в безконечныя веки. Аминь.

Благодарственные молитвы по Святом Причащении

Слава Тебе, Боже. Слава Тебе, Боже. Слава Тебе, Боже.

Читать еще:  Самый лучший заговор или молитва для торговли

Благодарственная молитва, 1-я

Благодарю Тя, Господи, Боже мой, яко не отринул мя еси грешнаго, но общника мя быти святынь Твоих сподобил еси. Благодарю Тя, яко мене недостойнаго причаститися Пречистых Твоих и Небесных Даров сподобил еси. Но Владыко Человеколюбче, нас ради умерый же и воскресый, и даровавый нам страшная сия и животворящая Таинства во благодеяние и освящение душ и телес наших, даждь быти сим и мне во исцеление души же и тела, во отгнание всякаго сопротивнаго, в просвещение очию сердца моего, в мир душевных моих сил, в веру непостыдну, в любовь нелицемерну, во исполнение премудрости, в соблюдение заповедей Твоих, в приложение Божественныя Твоея благодати

и Твоего Царствия присвоение; да во святыни Твоей теми сохраняемь, Твою благодать поминаю всегда, и не к тому себе живу, но Тебе, нашему Владыце и Благодетелю; и тако сего жития исшед о надежди живота вечнаго, в присносущный достигну покой, идеже празднующих глас непрестанный, и безконечная сладость, зрящих Твоего лица доброту неизреченную. Ты бо еси истинное желание, и неизреченное веселие любящих Тя, Христе Боже наш, и Тя поет вся тварь во веки. Аминь.

Молитва 2-я, святого Василия Великого

Владыко Христе Боже, Царю веков, и Содетелю всех, Благодарю Тя о всех, яже ми подал благих, и о причащении пречистых и животворящих Твоих Таинств. Молю убо Тя, Блаже и Человеколюбче: сохрани мя под кровом Твоим, и в сени крилу Твоею; и даруй ми чистою совестию, даже до последняго моего издыхания, достойно причащатися святынь Твоих, во оставление грехов, и в жизнь вечную. Ты бо еси хлеб животный, источник святыни, Податель благих, и Тебе славу возсылаем, со Отцем и Святым Духом, ныне и присно, и во веки веков. Аминь.

Читать еще:  Молитва о блаженной мати матроно

Молитва 3-я , Симеона Метафраста

Давый пищу мне плоть Твою волею, огнь сый и опаляяй недостойныя, да не опалиши мене, Содетелю мой; паче же пройди во уды моя, во вся составы, во утробу, в сердце. Попали терние всех моих прегрешений. Душу очисти, освяти помышления. Составы утверди с костьми вкупе. Чувств просвети простую пятерицу. Всего мя спригвозди страху Твоему. Присно покрый, соблюди же, и сохрани мя от всякаго дела и слова душетленнаго. Очисти и омый, и украси мя; удобри, вразуми, и просвети мя. Покажи мя Твое селение единаго Духа, и не ктому селение греха. Да яко Твоего дому, входом причащения, яко огня мене бежит всяк злодей, всяка страсть. Молитвенники Тебе приношу вся святыя, чиноначалия же безплотных, Предтечу Твоего, премудрыя Апостолы, к сим же Твою нескверную чистую Матерь, ихже мольбы Благоутробне приими, Христе мой, и сыном света соделай Твоего служителя. Ты бо еси освящение и единый наших, Блаже, душ и светлость; и Тебе лепоподобно, яко Богу и Владыце, славу вси возсылаем на всяк день.

Молитва 4-я

Тело Твое Святое, Господи, Иисусе Христе, Боже наш, да будет ми в живот вечный, и Кровь Твоя Честная во оставление грехов: буди же ми благодарение сие в радость, здравие и веселие; в страшное же и второе пришествие Твое сподоби мя грешнаго стати одесную славы Твоея, молитвами Пречистыя Твоея Матере, и всех святых.

Молитва 5-я, ко Пресвятой Богородице

Пресвятая Владычице Богородице, свете помраченныя моея души, надеждо, покрове, прибежище, утешение, радование мое, благодарю Тя, яко сподобила мя еси недостойнаго, причастника быти Пречистаго Тела и Честныя Крове Сына Твоего. Но Рождшая истинный Свет, просвети моя умныя очи сердца; Яже Источник безсмертия рождшая, оживотвори мя умерщвленнаго грехом; Яже милостиваго Бога любоблагоутробная Мати, помилуй мя, и даждь ми умиление и сокрушение в сердце моем, и смирение в мыслех моих, и воззвание в пленениих помышлений моих; и сподоби мя до последняго издыхания, неосужденно приимати пречистых Таин освящение, во исцеление души же и тела. И подаждь ми слезы покаяния и исповедания, во еже пети и славити Тя во вся дни живота моего, яко благословенна и препрoславленна еси во веки. Аминь.

Ныне отпущаеши раба Твоего, Владыко, по глаголу Твоему, с миром: яко видеста очи мои спасение Твое, еже еси уготовал пред лицем всех людей, свет во откровение языков и славу людей Твоих, Израиля.

Святый Боже, Святый Крепкий, Святый Безсмертный, помилуй нас. (Tрижды)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Tрижды)

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Тропарь св. Иоанну Златоустому, глас 8-й:

Уст твоих, якоже светлость огня, возсиявши благодать, вселенную просвети: не сребролюбия мирови сокровища сниска, высоту нам смиренномудрия показа, но твоими словесы наказуя, отче Иоанне Златоусте, моли Слова Христа Бога спастися душам нашим.

Кондак, глас 6-й:

Слава Отцу и Сыну и Святому Духу.

От небес приял еси Божественную благодать, и твоими устнама вся учиши покланятися в Троице единому Богу, Иоанне Златоусте, всеблаженне преподобне, достойно хвалим тя: еси бо наставник, яко божественная являя.

Богородичен:

И ныне и присно и во веки веков. Аминь.

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.

Если совершалась литургия святого Василия Великого, читай тропарь Василию Великому, глас 1-й:

Во всю землю изыде вещание твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, царское священие, отче преподобне, моли Христа Бога, спастися душам нашим.

Кондак, глас 4-й:

Слава Отцу и Сыну и Святому Духу.

Явился еси основание непоколебимое церкве, подая всем некрадомое господство человеком, запечатлея твоими веленьми, небоявленне Василие преподобне.

Богородичен:

И ныне и присно и во веки веков. Аминь.

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.

Если совершалась Литургия Преждеосвященных Даров, читай тропарь святому Григорию Двоеслову, глас 4-й:

Иже от Бога свыше божественную благодать восприем, славне Григорие, и Того силою укрепляемь, евангельски шествовати изволил еси, отонудуже у Христа возмездие трудов приял еси всеблаженне: Егоже моли, да спасет души наша.

Кондак, глас 3-й:

Слава Отцу и Сыну и Святому Духу.

Подобоначальник показался еси Начальника пастырем Христа, иноков чреды, отче Григорие, ко ограде небесней наставляя, и оттуду научил еси стадо Христово заповедем Его: ныне же с ними радуешися, и ликуеши в небесных кровех.

Богородичен:

И ныне и присно и во веки веков. Аминь.

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.

Господи, помилуй. (12 раз)

Слава Отцу и Сыну и Святому Духу, и ныне и присно и во веки веков. Аминь.

Честнейшую херувим и славнейшую без сравнения Серафим, без истления Бога Слова рождшую, сущую Богородицу Тя величаем.

После Причащения да пребывает каждый в чистоте, воздержании и немногословии, чтобы достойно сохранить в себе принятого Христа.

Источники:

http://pravoslavnyi.ru/posledovanie_ko-svyatomu_prichacsheniu-1-molitva_svyatogo_vasiliya_velikogo_1-ya.htm
http://omolitvah.ru/molitvy/molitva-vasiliyu-velikomu/
http://religiya.temaretik.com/1859536654708508862/blagodarstvennye-molitvy-po-svyatom-prichaschenii/

Ссылка на основную публикацию
Статьи на тему:

Adblock
detector